అరుదైన ఫోటోతో అన్నయ్యకి బర్త్ డే విషెష్ చెప్పిన కవిత !

తెలంగాణ మంత్రి కేటీఆర్ ( కల్వకుంట్ల తారక రామారావు) ఈ రోజు పుట్టినరోజు జరుపుకుంటున్నారు. ఈ సందర్భంగా ఆయనకు ప్రముఖులు, మంత్రులు, ప్రజాప్రతినిధులు పెద్ద ఎత్తున సోషల్ మీడియా ద్వారా శుభాకాంక్షలు తెలుపుతున్నారు. అంతేకాకుండా టీఆర్ఎస్ శ్రేణులు, కేటీఆర్ అభిమానులు సైతం సోషల్ మీడియా ద్వారా పెద్ద ఎత్తున శుభాకాంక్షలు చెబుతున్నారు. మంత్రి కేటీఆర్ ఈ రోజుతో 45వ ఏట అడుగుపెడుతున్న సందర్భంగా మంత్రి కేటీఆర్‌ కు ఆయన సోదరి, ఎమ్మెల్సీ కవిత..కేటీఆర్ ‌కు విషెస్ తెలుపుతూ ప్రత్యేక ట్వీట్ చేశారు.

మంత్రి కేటీఆర్ జన్మదినాన్ని పురస్కరించుకుని టీఆర్ ఎస్ ఎమ్మెల్యేలు, ప్రజాప్రతినిధులు మొక్కుల నాటారు. హ్యాపీ బర్త్‌డే అన్నయ్యా..అంటూ ఆయన సోదరి, ఎమ్మెల్సీ కవిత..కేటీఆర్ ‌కు విషెస్ తెలుపుతూ ప్రత్యేక ట్వీట్ చేశారు. తమ ఇద్దరి రేర్ ఫోటోను కూడా సోషల్ మీడియాలో షేర్ చేశారు. కేటీఆర్‌ కు సుఖసంతోషాలు, విజయాలు కలగాలని ఆమె కోరుకున్నారు. దీనిపై స్పందించిన ఓ నెటిజన్..కేటీఆర్, కవితల చిన్ననాటి ఫోటోను కూడా సోషల్ మీడియాలో షేర్ చేశాడు.

ఆర్థిక శాఖ మంత్రి తన్నీరు హరీష్‌ రావు ట్విట్టర్‌ వేదికగా మంత్రి కేటీఆర్ కి జన్మదిన శుభాకాంక్షలు తెలిపారు. కేటీఆర్‌ ఆయురారోగ్యాలతో సంతోషంగా జీవించాలని కోరుకుంటున్నట్టు హరీష్‌ రావు ట్వీట్‌ చేశారు. హరీశ్ రావు ట్విట్‌ కు కేటీఆర్ స్పందిస్తూ.. ధన్యవాదాలు బావ అంటూ ఆయన అంటూ రిప్లే ఇచ్చారు. కాగా , ఎంపీ సంతోష్ కుమార్ కూడా ,కేటీఆర్ కి స్పెషల్ గా విషెస్ తెలియజేశారు. కేటీఆర్ చిన్నప్పటి ఫోటో, ఇప్పటి ఫోటో రెండింటినీ కలిపి సోదరుడు అని పేర్కొంటూ విషెస్ చెప్పారు. అప్పటికీ ఇప్పటికీ.. తన అన్న ముఖం పై చిరు నువ్వు మారలేదంటూ పేర్కొనడం గమనార్హం.