పాపం రాజస్థాన్​ రాయల్స్​.. జోఫ్రా ఆర్చర్​ ఐపీఎల్​ కు దూరం..!

ఐపీఎల్​లో పటిష్ఠమైన బౌలింగ్​, బ్యాటింగ్​ ఉన్న జట్లు కూడా కీలక సమయాల్లో తడబడుతూ ఉంటాయి. అందుకు అనేక కారణాలు ఉండొచ్చు. ఒక్కోసారి అదృష్టం కూడా కలిసి రాదు. ఎంతో పటిష్ఠమైన ముంబై జట్టు ఈ సారి పెద్దగా రాణించడం లేదు. ఇక రాజస్థాన్​ రాయల్స్​ ను దురదృష్టం వెంటాడుతోంది. గెలుస్తామనుకున్న మ్యాచ్​ లు చివరి నిమిషంలో చేజారుతున్నాయి.

ఇదిలా ఉంటే వివిధ కారణాలతో .. కీలక ఆటగాళ్లు సైతం ఆ జట్టు నుంచి నిష్క్రమిస్తున్నారు. ఆర్​ ఆర్​ ఓడిపోవడానికి ఇది కూడా ఓ కారణం అవుతోంది. ఆల్​రౌండర్​ బెన్​ స్టోక్స్​ వేలి గాయం కారణంగా ఐపీఎల్​నుంచి తప్పుకున్నాడు. ఇది ఆర్​ఆర్​ కు పెద్ద దెబ్బ. లైమ్​ లివింగ్​ స్టోన్​ కూడా ఆరోగ్య కారణాలతో జట్టుకు ఆడటం లేదు. ఈ సారి ఆర్​ఆర్​ కు కీలక బౌలర్​ జోఫ్రా ఆర్చర్​ కూడా ఇంతవరకు ఒక్కమ్యాచ్​ ఆడలేదు. ఆర్చర్​ ప్రపంచ ప్రఖ్యాత బౌలర్​. కీలక సమయాల్లో వికెట్లు తీస్తూ జట్టును ఆదుకుంటూ ఉంటాడు.

ఆర్చర్​ కూడా అనారోగ్యంతో మొదట జట్టుకు ఆడలేదు. అయితే టోర్నమెంట్​ చివరి మ్యాచ్​ లలోనైనా అతడు వస్తాడని ఆర్​ ఆర్​ యాజమాన్యం చెప్పింది. ఆర్​ఆర్​ ఫ్యాన్స్​ కూడా ఆర్చర్​ కోసం ఎదురు చూశారు.అయితే ఆర్చర్​ ఈ ఐపీఎల్​ కు రాకపోవచ్చని సమాచారం. ఆర్చర్ ఇటీవలే వేలుకు శస్త్రచికిత్స చేయించుకున్నాడు. ప్రస్తుతం రెస్ట్​ తీసుకుంటున్నాడు. అతడికి మరికొంత కాలం రెస్ట్ అవసరమని ఇంగ్లాండ్ క్రికెట్ బోర్డు (ఇసిబి) తెలిపింది.

అంతేకాక విశ్రాంతి పూర్తి అయ్యాక .. అతడు కొంత కాలం శిక్షణ తీసుకోబోతున్నాడు. ఆ తర్వాతే ఆర్చర్​ క్రికెట్​ ఆడే అవకాశం ఉంది. అంటే ఈ ఐపీఎల్​లో ఆర్చర్​ ఇక ఆడకపోవచ్చు. దీంతో ఆర్​ ఆర్​ కొత్త విదేశీ ఆటగాళ్ల కోసం వెదుకుతున్నది. ఒకవేళ ఎవరినైనా తీసుకొచ్చినా వాళ్లను 15 రోజులు క్వారంటైన్​లో ఉంచాల్సి వస్తుంది. దీంతో ఆర్​ ఆర్​ ప్రస్తుతం చిక్కుల్లో పడింది. ఆ జట్టు ఇప్పటికే సరైన బౌలర్లు లేక తడబడుతున్నది. ఆర్చర్​ కూడా వచ్చే అవకాశం లేదు.మరోవైపు పాయింట్ల పట్టికలో ఆర్​ ఆర్​ ఆఖరున ఉంది. ఇలాగే ఆడితే ప్లే ఆప్స్​ కు వెళ్లడం చాలా కష్టం. ఇప్పటికే నాలుగు మ్యాచ్​ లు ఆడిన ఆర్​ఆర్​ కేవలం ఒక్క మ్యాచ్​ లో మాత్రమే గెలుపొందింది.