కొడ్కుక్కి జేసీ గిఫ్ట్ గా ఇచ్చిన కారెంతో తెలుసా?

కొడుకు మీద ఏ తండ్రికి మాత్రం ప్రేమ ఉండదు. అందులోకి డబ్బులున్న మారాజులకు తమలోని ప్రేమను ప్రదర్శించుకునే ఛాన్స్ ఉంటుంది. తాజాగా అలాంటి ప్రేమనే ప్రదర్శించారు టీడీపీ ఎమ్మెల్యే జేసీ ప్రభాకర్ రెడ్డి. తరచూ వివాదాస్పద అంశాల విషయాలతో వార్తల్లోకి వచ్చే జేసీ దివాకర్ రెడ్డి.. ఈసారి మాత్రం అందుకు భిన్నమైన కారణంతో వార్తల్లోకి వచ్చారు.

అనంతపురం ఎంపీ జేసీ దివాకర్ రెడ్డి సోదరుడు.. తాడిపత్రి ఎమ్మెల్యే జేసీ ప్రభాకర్ రెడ్డి తన కుమారుడు అస్మిత్ రెడ్డికి రూ.3.60కోట్ల కారును గిఫ్ట్ గా ఇచ్చేశారు. ఇటలీలో తయారైన ల్యాంబోగిని మోడల్ కి చెందిన ఈ కారును ముంబయివరకూ షిప్ లో తెప్పించి.. అక్కడి నుంచి తాడిపత్రికి కంటైనర్ లో తెప్పించారు. ఈ కారులో తిరగాలన్నది తన చిరకాల కోరిక అని.. అందుకే కొన్నట్లు చెప్పారు.

అయితే.. తన వయసు అందుకు సహకరించదని.. అందుకే తన కొడుక్కి బహుమతిగా ఇచ్చినట్లుగా ప్రభాకర్ రెడ్డి చెప్పారు. గంటకు 320కిలోమీటర్ల వేగంతో ప్రయాణించే సత్తా ఉన్న ఈ కారు లీటరుపెట్రోల్ కు మూడు కిలోమీటర్ల మైలేజీ మాత్రమే వస్తుందని చెప్పారు. ఈకారులో ఇద్దరు మాత్రమే ప్రయాణించే వీలుంది. తానుప్రాతినిధ్యం వహిస్తున్న టీడీపీ పసుపు కలర్ లోనే కారు ఉండటం ఒక విశేషమైతే.. తాడిపత్రి రోడ్లకు ఇంత ఖరీదైన కారు సూట్ అవుతుందా? అన్నది ప్రశ్న. అయినా.. డబ్బు.. పవర్ఉన్న జేసీ లాంటి వారు తమ కోరికల్ని తీర్చుకోకుండా ఉంటారా?

Like Us on Facebook : https://www.facebook.com/Tupakidotcom/