పేదింటి అమ్మాయిలకి శుభవార్త చెప్పిన జగన్ సర్కార్

ఆంధ్రప్రదేశ్ లో ఏ నిరుపేద కుటుంబాలలో ఆడపిల్ల వివాహం భారం కాకూడదు అని - పెళ్లి కుమార్తె అత్తారింటికి వెళ్లిన తర్వాత కూడా అభద్రత భావంతో ఉండకుండా ఉండేందుకు జగన్ సర్కార్ పెళ్ళి కానుక పథకానికి శ్రీకారం చుట్టిన విషయం తెలిసిందే. ఈ పథకం ద్వారా ప్రభుత్వం పేదింటి ఆడపిల్లలకు ఆర్థిక సాయం చేయడం ద్వారా అండగా ఉండడమే కాక - బాల్య వివాహాలు నిర్మూలించేందుకు - వివాహం రిజిస్ట్రేషన్ చేయడం ద్వారా వధువుకి రక్షణ కల్పించేందుకు ఉపయోగపడనుంది. ఈ నేపథ్యంలోనే వైఎస్సార్ పెళ్లి కానుక రూపకల్పన చేసింది. ఈ పథకానికి సంబంధించి మార్గదర్శకాలను ఒకసారి చూస్తే ..

దరఖాస్తు వివరాలు :

1. మండల సమాఖ్య/మెప్మా కార్యాలయంలో దరఖాస్తు చేసుకోవాలి.
2. అనంతరం అధికారులు క్షేత్ర స్థాయిలో పరిశీలిస్తారు.
3. వివాహానికి ముందే సాయం మొత్తంలో 20 శాతం పెళ్లి కుమార్తె బ్యాంక్ ఖాతాలో వేస్తారు.
4. వివాహమయ్యాక మిగతా మొత్తాన్ని జమ చేస్తారు.
5. అనంతరం వివాహ దృవీకరణ పత్రం ఇస్తారు.

అర్హతలు :

1. వధువు - వరుడు ఇద్దరు ప్రజాసాధికారిక సర్వే నందు నమోదు కాబడి ఉండాలి (వాలంటీర్ నందు HOUSEHOLD సర్వే చేసుకోవాలి.. దీనికి - మార్గ దర్శకాలు ఇంకా రాలేదు . త్వరలోనే వచ్చే అవకాశం ఉంది).
2. వధువు - వరుడు ఇద్దరూ ఆంధ్ర ప్రదేశ్ రాష్ట్ర నివాసితులై ఉండాలి.
3. వధువు - వరుడు ఇద్దరు ఆధార్ కార్డు కలిగి ఉండాలి.
4. వధువు కచ్చితం గా తెల్ల రేషన్ కార్డు కలిగి ఉండాలి.
5. వివాహ తేదీ నాటికి వధువుకు 18 ఏళ్లు - వరుడుకు 21 ఏళ్లు పూర్తై ఉండాలి
6. కేవలం మొదటి సారి వివాహం చేసుకునే వారు మాత్రమే ఈ పథకం కు దరఖాస్తు చేసుకోవడానికి అర్హులు. అయితే, వధువు వితంతువు అయినప్పటికీ ఈ పథకమున కు దరఖాస్తు చేసుకోవచ్చు.
7. వివాహం తప్పని సరిగా ఆంధ్రప్రదేశ్‌ లో మాత్రమే జరగవలెను.

ప్రోత్సాహకం :

1 .వైఎస్సార్ పెళ్లి కానుక (ఎస్సీ) సాంఘిక సంక్షేమ శాఖ-40,000/-
2. వైఎస్సార్ పెళ్లి కానుక (ఎస్సీ కులాంతర) సాంఘిక సంక్షేమ శాఖ-75,000/-
3. వైఎస్సార్ పెళ్లి కానుక (గిరిపుత్రిక) గిరిజన సంక్షేమ శాఖ-50,000/-
4. వైఎస్సార్ పెళ్లి కానుక (ఎస్టీ కులాంతర) గిరిజన సంక్షేమ శాఖ-75,000/
5. వైఎస్సార్ వైయస్సార్ పెళ్లి కానుక (బిసీ) బీసీ సంక్షేమ శాఖ-35,000/-
6. వైఎస్సార్ పెళ్లి కానుక (బిసీ కులాంతర) బిసి సంక్షేమ శాఖ-50,000/-
7. వైఎస్సార్ పెళ్లి కానుక (dulhan) మైనార్టీ సంక్షేమ శాఖ-50,000/-
8. వైఎస్సార్ పెళ్లి కానుక (దివ్యాంగులు) దివ్యాంగుల సంక్షేమ శాఖ-1,00,000/-
9. వైఎస్ఆర్ పెళ్లి కానుక (APBOCWWB) ఆంధ్రప్రదేశ్ భవనములు - ఇతర నిర్మాణ రంగములోని కార్మిక సంక్షేమ సంస్థ - కార్మిక సంక్షేమ శాఖ-20,000/-

ఏ ఏ డాక్యుమెంట్స్ కావాలి :

1. కులము - కమ్యూనిటీ మరియు జనన దృవీకరణ పత్రము.
2. వయసు - ఎస్ఎస్సి సర్టిఫికెట్ 2004 వ సంవత్సరం - ఆ తర్వాత పదవ తరగతి పాస్ అయిన వారికి(లేదా) డేట్ ఆఫ్ బర్త్(లేదా) ఆధార్ కార్డ్.
3. ఆదాయము (వధువు కి మాత్రమే) - తెల్ల రేషన్ కార్డు/ఇన్ కమ్ సర్టిఫికెట్.
4. నివాసం - ప్రజా సాధికారిక సర్వే నందు నమోదు/హౌస్ హోల్డ్ సర్వే.
5. అంగవైకల్యం - సదరం సర్టిఫికెట్ ( కనీసం 40% గా ఉండి శాశ్వత అంగవైకల్యం అయి ఉండాలి)
6. వితంతువు - ఆధార్ నెంబర్ ఆధారముగా ఫించన్ డేటాతో పరిశీలిస్తారు.
వితంతువు అయ్యుండి పింఛన్ పొందకపోతే లేదా పించన్ డేటాలో వివరాలు లేకపోతే వ్యక్తిగత దృవీకరణ.
7. భవన మరియు ఇతర నిర్మాణ కార్మికులు - ఎ.పి.బి.ఓ.సి.డబ్ల్యూ. డబ్ల్యూ.బి. చే జారీ చేయబడిన కార్మికుల యొక్క రిజిస్ట్రేషన్ నెంబర్/గుర్తింపు కార్డ్.

ఇక పెళ్ళికానుక వెబ్ సైట్ .. http://ysrpk.ap.gov.in/Dashboard/index.html. అలాగే పెళ్ళికానుక స్టేటస్ చెక్ చేయడానికి https://ysrpk.so.gov.in/Registration/cpkstatus. ఈ సైట్స్ లోకి వెళ్లి మీ డౌట్స్ ను తీర్చుకోవచ్చు.