సోనూసూద్ ఏపీ అల్లుడా? తెలంగాణ అల్లుడా?

ఇలాంటి సోనూసూద్ కు సంబంధించిన కొత్త సందేహం తాజాగా బయటకు వచ్చింది. ఆయన సతీమణి తెలుగు అమ్మాయి అనే తెలుసు. కానీ.. ఎక్కడ పుట్టారు? ఏ ప్రాంతానికి చెందిన వారు? అన్నది దానిపై క్లారిటీ లేదు. తాజాగా సోనూసూద్ ఒక వెబినార్ లో పాల్గొన్న సందర్భంగా తన భార్య గురించి చెప్పుకొచ్చారు. ఆమెది గోదావరి జిల్లా అని చెప్పారు.

ఏ ఊరు అన్న విషయాన్ని ప్రత్యేకంగా చెప్పనప్పటికి.. గోదావరి జిల్లాలో పుట్టిన నేపథ్యంలో ఆమెది ఏపీగానే చెప్పాలి. తర్వాతి కాలంలో చదువుల కోసం ముంబయి వెళ్లిపోవటం.. అక్కడే స్థిరపడిపోయారు. అనంతరం సోనూసూద్ తో పరిచయం తర్వాతి కాలంలో పెళ్లి చేసుకున్నారు. ఇక్కడి వరకు ఆమె ఏపీకి చెందిన వారన్న విషయంలో ఎలాంటి సందేహం లేదు. సోనూసూద్ ఆంధ్రాఆల్లుడనే చెప్పాలి.

తాజాగా ఒక ప్రముఖ మీడియా సంస్థకు సోనూసూద్ ఇచ్చిన ఇంటర్వ్యూలో తనది తెలంగాణ అని చెప్పినట్లుగా పేర్కొన్నారు. అయితే.. ఈ ఇంటర్వ్యూలో ఆమె చెప్పిన మాటల్నిచూస్తే.. ఆమె అలా చెప్పలేదన్న భావన కలగటం ఖాయం. తాము ముంబయిలో స్థిరపడ్డామని.. తమ చుట్టాలందరూ హైదరాబాద్.. చుట్టుపక్కల ప్రాంతాల్లోనే ఉన్నారని.. వారింట్లో జరిగే శుభకార్యాలకు తాను హైదరాబాద్ వస్తుంటానని పేర్కొన్నారు. ఈ విధంగా చూస్తే తాను తెలంగాణ అమ్మాయినని.. సోనూ తెలంగాణ అల్లుడని ఆమె పేర్కొన్నట్లుగా రాశారు.

ఆ మాటకు వస్తే.. గడిచిన కొన్నేళ్లు ప్రాంతం ఏదైనా హైదరాబాద్.. దాని పరిసర ప్రాంతాల్లో సెటిల్ అయిన వారు ఎక్కువగా కనిపిస్తుంటారు. అంతమాత్రాన వారంతా తెలంగాణ వారైపోరు కదా? సోనూ సతీమణి సోనాలి మాటల్ని తప్పుగా అర్థం చేసుకునే.. ఆయన్ను తెలంగాణ అల్లుడు ఖాతాలో వేశారన్న భావన వ్యక్తమవుతోంది. ఇదంతా ఎందుకు.. సోనూ తెలుగింటి అల్లుడన్న మాటకు ఫిక్సు అయితే.. ఇంకేం చర్చ ఉండేదమో కదా?