దాయాది భూభాగంలోకి వెళ్లిన భారత సైన్యం.. ఎందుకంటే?

కశ్మీర్ సరిహద్దుల్లో ఉగ్రవాదులు భారత్ లోకి అక్రమంగా ప్రవేశించటం.. వారిని భారత సైన్యం మట్టుబెట్టటం తెలిసిందే. భారత భూభాగంలోకి ఎలా వచ్చారు? అన్న ప్రశ్న వేసుకున్న భద్రతాదళాలు.. దాని సంగతి తేల్చేందుకు ప్రయత్నాలు షురూ చేశారు. ఈ సందర్భంగా వారొక సొరంగాన్ని గుర్తించారు. అందులోకి వెళ్లిన బీఎస్ఎఫ్ జవాన్లు.. పాక్ భూభాగంలోకి తాము వెళ్లినట్లుగా గుర్తించారు. ఈ విషయాన్ని బీఎస్ఎఫ్ డీజీ రాకేశ్ అస్తానా వెల్లడించారు.

జమ్ముకశ్మీర్ లోని నగ్రోటాలోనికి పాక్ కు చెందిన జైషే ఉగ్రవాదులు నలుగురు అక్రమంగా చొచ్చుకొచ్చారు. వీరిని గుర్తించిన భద్రతాదళాలు జరిపిన కాల్పుల్లో ఆ నలుగురు మరణించారు. వారి నుంచి భారీగా ఆయుధ సామాగ్రిని స్వాధీనం చేసుకున్నారు. ఈ సందర్భంగా వారు భారత్ లోకి ఎలా వచ్చారన్న అంశాన్ని గుర్తించేందుకు గాలింపు జరపగా.. ఒక సొరంగాన్ని గుర్తించారు.

ఇందులోకి ప్రయాణించిన భారత జవాన్లకు.. దాని ఆరంభం పాక్ భూభాగంలో ఉన్నట్లుగా గుర్తించారు. ఈ క్రమంలో భారత జవాన్లు పాక్ భూభాగంలోని 200 మీటర్లు వెళ్లినట్లుగా గుర్తించారు. అలా సొరంగంలో గుండా పాక్ భూభాగంలోకి వెళ్లిన మనోళ్లు.. తిరిగి వచ్చేటప్పుడు ఆ సీన్లను రికార్డు చేశారు. ఉగ్రవాదుల కుతంత్రాల్ని తెలియజేసేందుకు వీలుగా.. ఆ మొత్తాన్ని రికార్డు చేసినట్లుగా ఆయన చెప్పారు.