పంచాయితీ ఎన్నికల నోటిఫికేషన్ పై హైకోర్టు విచారణ

పంచాయితీ ఎన్నికల నోటిఫికేషన్ రద్దు చేయాలంటూ ఏపీ హైకోర్టులో పిటీషన్లు దాఖలయ్యాయి. వీటిపై విచారణ జరిపిన ఏపీ హైకోర్టు శుక్రవారానికి వీటిని వాయిదా వేసింది. గురువారం విచారించిన హైకోర్టు ఏపీలో నోటిఫికేషన్ విడుదలై ఎన్నికల ప్రక్రియ జరుగుతుండగా ఈ సమయంలో తాము జోక్యం చేసుకోవడానికి అవకాశం ఉందా? అని ఏజీని ప్రశ్నించింది.

పంచాయితీ ఎన్నికలను 2019 ఓటరు జాబితాతో నిర్వహించడంపై అభ్యంతరం తెలుపుతూ యువ ఓటర్లు ఓటుహక్కు కోల్పోయారని.. 3 లక్షలకు పైగా ఓటర్లు ఓటు వేయలేకపోతున్నారని గుంటూరుకు చెందిన అఖిల హైకోర్టులో పిటీషన్ వేసింది. ఈ పిటీషన్ పై విచారణ జరిపిన హైకోర్టు ఎన్నికల షెడ్యూల్ పై మధ్యంతర ఉత్తర్వులు ఇచ్చేందుకు నిరాకరించింది.

ఈ పిటీషన్ పై తాము డివిజన్ బెంచ్ కు వెళ్తామని పిటీషనర్ తరుఫు న్యాయవాది కోరారు. పిటీషన్ ను డిస్మిస్ చేయాలని కోరారు. దీంతో ఈ పిటీషన్ పై విచారణను హైకోర్టు శుక్రవారానికి వాయిదా వేసింది.ఎన్నికల సమయంలో హైకోర్టు జోక్యం చేసుకోవాల్సిన అవసరం లేదని.. కేంద్ర న్యాయవాది, అడ్వకేట్ జనరల్ సూచించడంతో హైకోర్టు విచారణను రేపటికి వాయిదా వేసింది. స్టే ఇవ్వలేదు.