ఇంట్లోనే వైన్​ తయారీకి అనుమతి.. నెరవేరిన దశాబ్దాల డిమాండ్

దీంతో అక్కడి ప్రజలంతా వైన్​ తయారు చేసుకోవాలంటే ఏయే ముడిసరుకులు కావాలి.. తయారీ విధానం ఏమిటి తదితర వివరాలు ఇంటర్​నెట్​లో సెర్చ్​ చేస్తున్నారట. ఇంట్లో వైన్​ తయారుచేసుకున్నా.. దాన్ని బయట మార్కెట్​లో విక్రయించాలన్నా ప్రభుత్వానికి ఎటువంటి ట్యాక్స్​ చెల్లించనవసరం లేదట. ఈ మేరకు మేఘాలయ క్యాబినెట్​లో శుక్రవారం కీలక నిర్ణయాలు తీసుకుంది. అయితే ఇంట్లో వైన్​ తయారుచేసుకొనేవాళ్లు ప్రభుత్వానికి లైసెన్స్​ ఫీజు కింద రూ. 7500 చెల్లించాలని అక్కడి ప్రభుత్వం సూచించింది.

గత రెండు దశాబ్దాలుగా తమ రాష్ట్రంలో ఈ డిమాండ్​ ఉన్నదని ప్రభుత్వం ఇప్పుడు అంగీకరించడం ఎంతో సంతోషంగా ఉందని వైన్​మేకర్స్​ అసోసియేషన్​ అధ్యక్షుడు మైఖెల్​ మీడియాకు తెలిపారు. స్థానికులకు ఉపాధి లభిస్తుందన్న కారణంతో ఈ నిర్ణయం తీసుకున్నట్టు సీఎం కాన్రెడ్​ కే సంగ్మా మీడియాకు తెలిపారు. గత రెండు దశాబ్దాలుగా మేఘాలయాలో ఈ డిమాండ్​ ఉన్నది. దీంతో ప్రభుత్వం తప్పనిసరి పరిస్థితుల్లో దీనికి తలొగ్గాల్సి వచ్చింది. ఇటీవల అక్కడి క్యాబినెట్ ఆమోదించిన ఎజెండాల్లో వైన్​తయారీకి అనుమతివ్వడం కూడా ఒకటి. మేఘాలయ ప్రజలు వైన్​ను ఎంతో ఇష్టపడతారు. ప్రతిఏడాది ఆ రాష్ట్రంలో వైన్​ ఫెస్టివల్స్​ ఘనంగా నిర్వహిస్తారు.