బెట్ ​కోసం గర్ల్​ఫ్రెండ్​ ప్రాణం తీశాడు..! గడ్డకట్టి చలిలో నరకం అనుభవించిన యువతి

స్నేహితుడితో కట్టిన పందెం కోసం ఓ వ్యక్తి తన ప్రియురాలు ప్రాణం తీశాడు. రష్యాలో ఈ ఘటన చోటుచేసుకుంది. తన ప్రియురాలు గర్భవతి అన్న విషయం కూడా ఓ వ్యక్తికి మరిచిపోయాడు. కేవలం 1300 డాలర్ల కోసం తన ప్రేయసిని చంపుకున్నాడు. ఈ ఘటనకు సంబంధించిన వివరాలు.. రష్యా చెందిన స్టాస్‌ రీఫ్లే (28).. వాలంటీనా గ్రిగర్​యేవా ప్రేమించుకున్నారు. ప్రస్తుతం వాలంటీనా గర్భిణి. అయితే స్టాస్​ రీప్లే అతడి స్నేహితుడు ఓ పందెం కాశాడు. గడ్డకట్టే చలిలో తన ప్రియురాలును 15 నిమిషాలు ఉంచాలని ఆ పందెం సారాంశం.

దీంతో వాలంటీనా కేవలం బికినీ డ్రెస్​లో ఉన్నప్పుడు ఆమెను బాల్కనీలో ఉంచి డోర్​ పెట్టేశాడు. అమె చలికి వణికిపోయింది. అరిచేందుకు కూడా నోరు రాలేదు. డోర్​ ఎంతకొట్టినా అతడు కనికరించలేదు. చివరకు 15 నిమిషాల తర్వాత డోర్​ తీశాడు. గడ్డ కట్టే చలిలో వాలంటీనా బిగుసుకుపోయింది. ఆస్పత్రికి తీసుకెళ్లినప్పటికీ ఆమె మృతిచెందింది.

ప్రస్తుతం స్టాస్‌ను పోలీసులు అదుపులోకి తీసుకున్నారు. ఇందుకు సంబంధించిన వార్త సోషల్​మీడియాలో వైరల్​ అయ్యింది. బెట్​ కోసం ప్రియురాలిని హింసించడం ఏమిటని పలువురు నెటిజన్లు ప్రశ్నిస్తున్నారు. అయినా ఇటువంటి పందెలు పెట్టుకోవడం ఏమిటని ప్రశ్నిస్తున్నారు.