సల్మాన్ నే రంగంలోకి దిగమంటోంది

పాక్ నుంచి స్వదేశానికి వచ్చిన గీత ప్రస్తుతం ఇండోర్ లో ఉంది. ప్రభుత్వ సంక్షేమ శాఖ పర్యవేక్షణలో ఉన్న గీత వ్యవహారం మరో మలుపు తిరిగింది. గీత తమ కుమార్తె అంటూ యూపీ నుంచి ప్రతాప్ గఢ్ నుంచి వచ్చిన వారిని గీత గుర్తించలేదు. గీత తమ కుమార్తె అంటూ వచ్చిన వారిని ఆమె గుర్తించలేదు. దీంతో.. గీత తల్లిదండ్రులు ఎవరన్నది ఇప్పుడు పెద్ద సమస్యగా మారింది.

తాజాగా గీత మీడియాతో మాట్లాడింది. ఈ సందర్భంగా ఆమె ఒక చిత్రమైన కోరికను కోరారు. తన తల్లిదండ్రుల్ని వెతికేందుకు బాలీవుడ్ సూపర్ స్టార్ సల్మాన్ ఖాన్ ను రంగంలోకి దిగాలని ఆమె కోరుకుంటోంది. భజరంగీ భాయిజాన్ చిత్రంలో పాక్ నుంచి తప్పిపోయి భారత్ కు వచ్చిన ఒక చిన్నారిని పాక్ కు తీసుకెళ్లి తల్లిదండ్రులకు కథానాయకుడిగా సల్మాన్ అప్పగించేలా చేస్తాడు. అదే రీతిలో తన తల్లిదండ్రుల విషయంలో నెలకొన్న సస్పెన్స్ తేల్చేందుకు సల్మానే స్వయంగా రంగంలోకి దిగాలని కోరింది. మరి.. గీత మాటకు సల్మాన్ ఎలా స్పందిస్తాడు. అయినా.. రీల్ లైఫ్ లోవి రియల్ లైఫ్ లో జరగాలని గీత కోరుకోవటం ఏమిటో..?