అమ్మాయి కోసం కొట్టుకున్న స్టూడెంట్స్ గ్యాంగ్స్

16 ఏళ్లకే పడుచు ప్రాయం గంట కొడుతున్న వేళ విద్యార్థులు కూడా ప్రేమలోకంలో విహరిస్తున్నారు. ఇక సినిమాల ప్రభావంతో ఇంటర్ లోనే ప్రేమాటలను మొదలు పెడుతున్నారు. హైదరాబాద్ కూకట్ పల్లి హౌసింగ్ బోర్డ్ లో ఫ్యార్చూన్ స్కూల్ ఆఫ్ బిజినెస్ కాలేజీ విద్యార్థులు ఒక అమ్మాయి కోసం కొట్టుకున్నారు. బీభత్సం సృష్టించారు. వీరి గలాటా చూసి స్థానికులు భయాందోళన వ్యక్తం చేశారు. వారి గొడవలో తమకు గాయలవుతాయని చాలా మంది వాహనాలు విడిచి పారిపోయారంటే వీరి బీభత్సం ఎంత ఉందో అర్థం చేసుకోవచ్చు.

ఫ్యార్చూన్ కాలేజీలో చదువుతున్న ఓ అమ్మాయి విషయంలో నెలకొన్న స్పర్థలే గొడవలకు దారితీశాయి. లవన్ కుమార్ అనే విద్యార్థి ఇదే కాలేజీకి చెందిన ఒక అమ్మాయిని ప్రేమిస్తున్నాడు. ఆ అమ్మాయికి తరచూ ఫోన్ చేసి అసభ్యంగా మాట్లాడుతూ వేధిస్తున్నాడు. ఇదే విషయంపై ఆ అమ్మాయి తన కాలేజీకి చెందిన హేమంత్ కు చెప్పింది. దీంతో హేమంత్, లవణ్ కుమార్ ను కొట్టేందుకు ప్లాన్ చేశారు. నైన్త్ ఫేజ్ లోని గ్రావిటీ హోటల్ లో ఫేర్ వెల్ పార్టీని ఇందుకు అవకాశంగా మలుచుకున్నాడు.