Begin typing your search above and press return to search.
టార్గెట్ కేసీఆర్ వ‌యా గద్దర్..గజ్వేల్ లో కొత్త స్కెచ్‌
By: Tupaki Desk | 24 Nov 2018 3:08 PM GMT
గులాబీ ద‌ళ‌ప‌తి - టీఆర్ ఎస్ పార్టీ అధినేత కేసీఆర్ ప్రాతినిధ్యం వహిస్తున్న గజ్వేల్ నియోజ‌క‌వ‌ర్గంపై అంద‌రి చూపు ప‌డుతున్న సంగతి తెలిసిందే. గులాబీ ద‌ళ‌ప‌తికి ఈ నియోజ‌క‌వ‌ర్గంలో అనుకున్నంత సానుకూల‌త లేద‌ని - ఈ ద‌ఫా ఆయన గెలుపు న‌ల్లేరు మీద న‌డ‌కేం కాద‌ని అంచ‌నాలు వెలువ‌డుతున్న సంగతి తెలిసిందే. ఈ నియోజ‌క‌వ‌ర్గాన్ని ప్ర‌తిష్టాత్మ‌కంగా తీసుకున్న కాంగ్రెస్ ఇక్క‌డ ప్ర‌జాయుద్ధ నౌక గద్దర్ సేవ‌ల‌ను వినియోగించుకునేందుకు సిద్ధ‌మ‌వుతోంది. ఇందుకు తాజాగా - యూపీఏ చైర్‌ పర్సన్ సోనియాగాంధీ నిర్వ‌హించిన స‌భలో పోషించిన పాత్ర నిద‌ర్శ‌న‌మంటున్నారు.
మేడ్చల్‌లో జరిగిన కాంగ్రెస్ పార్టీ బహిరంగ సభకు హాజరైన గద్దర్ - ఆయన సతీమణి విమల - తనయుడు సూర్యకిరణ్‌ - యూపీఏ చైర్‌ పర్సన్ సోనియాగాంధీని కలిశారు. ఈ సందర్భంగా విమల సోనియాకు చీరను బహూకరించారు. ఆ తర్వాత గద్దర్ మాట్లాడుతూ కాలాన్ని పార్లమెంట్‌లో బంధించి తెలంగాణను ప్రసవింపజేసిన సోనియా గాంధీకి కృతజ్ఞతలని తెలిపారు. పసిబిడ్డలాంటి తెలంగాణను పాలకుల చేతిలో పెడితే ఆ పాలకులు పాలు ఇవ్వకుండా జోలపాట పాడారని ఆవేదన వ్యక్తం చేశారు. ఇప్పుడు మళ్ళీ ఆ తెలంగాణ పసిబిడ్డను ఒడిలోకి తీసుకుని దీవించడానికి సోనియా వచ్చారని పేర్కొన్నారు. ఈ సందర్భంగా ఉద్యమ సమయంలో ఆయన పాడిన పొడుస్తున్న పొద్దుమీద నడుస్తున్న కాలమా పాటను పాడి ఆహుతులను ఆశ్చర్యానికి గురిచేశారు. ఈ పాట ఎక్కడ వినపడ్డా తెలంగాణ ఉద్యమకారుల రోమాలు నిక్కబొడుచుకుంటాయి. మేడ్చల్‌ కాంగ్రెస్ సభలోనూ అటువంటి అనుభవమే ఆవిష్కృతమైంది. తాను పాడుతున్న పాటకు అందరూ కోరస్‌ ఇవ్వాలని కోరడంతో సభకు వచ్చిన వారంతా ఆయనతో గొంతు కలిపారు. గద్దర్ పాట పాడుతుండగానే చప్పట్లు - ఈలలతో వేదికపై ఉన్న నాయకులు - వేదిక కింద కూర్చున్న నాయకులు - కార్యకర్తలు సభను హోరెత్తించారు.
వామ‌ప‌క్ష ఉద్యమ నేపథ్యం ఉన్న గద్దర్ కొద్దికాలం క్రితం ఢిల్లీకి వెళ్లి కాంగ్రెస్ పార్టీ పెద్దలను కలిసిన సంగతి తెలిసిందే. ఇదే సమయంలో టీఆర్ ఎస్ పార్టీ అధినేత - ముఖ్యమంత్రి కేసీఆర్ ప్రాతినిధ్యం వహిస్తున్న గజ్వేల్ నుంచి బరిలో దిగుతానని - స్వతంత్య్రంగా పోటీ చేస్తున్న తనకు ఆయా పార్టీలు మద్దతు ఇవ్వాలని గద్దర్ కోరారు. అనంతరం తాను పోటీ చేయబోనని - ప్రచారం మాత్రం చేస్తానని ఆయన వివరించారు. గద్దర్ పోటీ చేయ‌డం కంటే ప్ర‌తాప్‌ రెడ్డి బరిలో దిగ‌డం స‌రైన‌ది భావించిన కాంగ్రెస్ ఆయ‌న‌కే చాన్సిచ్చింది. అయితే, గద్దర్ సేవ‌లు సైతం ఉప‌యోగించుకోవాల‌ని భావించి ఆయనతో ప్రచారం నిర్వ‌హించ‌నున్న‌ట్లు తెలుస్తోంది.
మేడ్చల్‌లో జరిగిన కాంగ్రెస్ పార్టీ బహిరంగ సభకు హాజరైన గద్దర్ - ఆయన సతీమణి విమల - తనయుడు సూర్యకిరణ్‌ - యూపీఏ చైర్‌ పర్సన్ సోనియాగాంధీని కలిశారు. ఈ సందర్భంగా విమల సోనియాకు చీరను బహూకరించారు. ఆ తర్వాత గద్దర్ మాట్లాడుతూ కాలాన్ని పార్లమెంట్‌లో బంధించి తెలంగాణను ప్రసవింపజేసిన సోనియా గాంధీకి కృతజ్ఞతలని తెలిపారు. పసిబిడ్డలాంటి తెలంగాణను పాలకుల చేతిలో పెడితే ఆ పాలకులు పాలు ఇవ్వకుండా జోలపాట పాడారని ఆవేదన వ్యక్తం చేశారు. ఇప్పుడు మళ్ళీ ఆ తెలంగాణ పసిబిడ్డను ఒడిలోకి తీసుకుని దీవించడానికి సోనియా వచ్చారని పేర్కొన్నారు. ఈ సందర్భంగా ఉద్యమ సమయంలో ఆయన పాడిన పొడుస్తున్న పొద్దుమీద నడుస్తున్న కాలమా పాటను పాడి ఆహుతులను ఆశ్చర్యానికి గురిచేశారు. ఈ పాట ఎక్కడ వినపడ్డా తెలంగాణ ఉద్యమకారుల రోమాలు నిక్కబొడుచుకుంటాయి. మేడ్చల్‌ కాంగ్రెస్ సభలోనూ అటువంటి అనుభవమే ఆవిష్కృతమైంది. తాను పాడుతున్న పాటకు అందరూ కోరస్‌ ఇవ్వాలని కోరడంతో సభకు వచ్చిన వారంతా ఆయనతో గొంతు కలిపారు. గద్దర్ పాట పాడుతుండగానే చప్పట్లు - ఈలలతో వేదికపై ఉన్న నాయకులు - వేదిక కింద కూర్చున్న నాయకులు - కార్యకర్తలు సభను హోరెత్తించారు.
వామ‌ప‌క్ష ఉద్యమ నేపథ్యం ఉన్న గద్దర్ కొద్దికాలం క్రితం ఢిల్లీకి వెళ్లి కాంగ్రెస్ పార్టీ పెద్దలను కలిసిన సంగతి తెలిసిందే. ఇదే సమయంలో టీఆర్ ఎస్ పార్టీ అధినేత - ముఖ్యమంత్రి కేసీఆర్ ప్రాతినిధ్యం వహిస్తున్న గజ్వేల్ నుంచి బరిలో దిగుతానని - స్వతంత్య్రంగా పోటీ చేస్తున్న తనకు ఆయా పార్టీలు మద్దతు ఇవ్వాలని గద్దర్ కోరారు. అనంతరం తాను పోటీ చేయబోనని - ప్రచారం మాత్రం చేస్తానని ఆయన వివరించారు. గద్దర్ పోటీ చేయ‌డం కంటే ప్ర‌తాప్‌ రెడ్డి బరిలో దిగ‌డం స‌రైన‌ది భావించిన కాంగ్రెస్ ఆయ‌న‌కే చాన్సిచ్చింది. అయితే, గద్దర్ సేవ‌లు సైతం ఉప‌యోగించుకోవాల‌ని భావించి ఆయనతో ప్రచారం నిర్వ‌హించ‌నున్న‌ట్లు తెలుస్తోంది.
