ఏపీలో మరో విషాదం.. మాజీ ఎమ్మెల్యే మృతి

ఏపీలో మరో విషాదం అలుముకుంది. విజయవాడ పశ్చిమ నియోజకవర్గం మాజీ ఎమ్మెల్యే.. సీపీఐ సీనియర్ నేత కాకర్లపూడి సుబ్బరాజు (66) కన్నుమూశారు. విజయవాడలోని తన నివాసంలో అర్థరాత్రి గుండెపోటుతో మరణించారు. ఈ మేరకు కుటుంబ సభ్యులు తెలిపారు.

అమెరికాలో ఉంటున్న సుబ్బరాజు కుమారుడు, కుమార్తె వచ్చిన తర్వాత అంత్యక్రియలు చేస్తామని బంధువులు తెలిపారు.

విజయవాడ మున్సిపల్ కార్పొరేషన్ డిప్యూటీ మేయర్ గా.. సీపీఐ, సంఘాల్లో సుబ్బరాజు పనిచేశారు. కార్మిక నాయకుడిగా ప్రజల్లో సంఘాల్లో మంచి గుర్తింపు తెచ్చుకున్నారు.

ఏపీలో 1994-99 వరకు విజయవాడ పశ్చిమ ఎమ్మెల్యేగా కొనసాగారు. సుబ్బరాజు మృతి పలువురు సీపీఐ, ఇతర నాయకులు సంతాపం తెలిపారు. ఆయనకు ఘన నివాళులు అర్పించారు.