అమెరికా అధ్యక్షుడి హెలికాప్టర్ మెరైన్ వన్..ప్రత్యేకలేంటంటే !

అగ్రరాజ్యం అమెరికా అధ్యక్షుడు అంటే .. అదే రేంజ్ లో సౌకర్యాలు ఏర్పాటు చేయడం అనేది చాలా కామన్. అమెరికా ప్రభుత్వం దేశ అధ్యక్షుల రక్షణ కోసం కొన్ని కోట్ల రూపాయలని ఖర్చు చేస్తుంది. ఇందులో భాగంగానే అమెరికా అధ్యక్షులు .. ఏ దేశానికి వెళ్లినా మెరైన్‌ వన్‌ హెలికాఫ్టర్‌ కూడా వెంట రావాల్సిందే. ఆయా దేశాల్లో చిన్న చిన్న దూరాలకు, బస చేసే హోటల్‌కి వెళ్లడానికి ఆ హెలికాప్టర్‌ని వినియోగిస్తారు. ఐతే, అమెరికా అధ్యక్షుడు ఉపయోగించే హెలికాప్టర్ సాధారణ హెలికాప్టర్ కాదు. ప్రెసిడెంట్. వీహెచ్‌–3డీ సీ కింగ్‌ లేదా వీహెచ్‌–60ఎన్‌ వైట్‌ హాక్‌ హెలికాప్టర్లను మాత్రమే అధ్యక్షుడి ప్రయాణానికి వినియోగిస్తారు.

ప్రెసిడెంట్‌ భద్రత దృష్ట్యా ఒకేరకంగా ఉన్న ఐదు హెలికాప్టర్లు ఒకేసారి ప్రయాణిస్తాయి. ఒక దాంట్లో అధ్యక్షుడు ఉంటే, మిగిలినవి ఆయనకు రక్షణగా వెళ్తాయి. ప్రెసిడెంట్ ఎందులో ఉన్నారో శత్రువులకు తెలీకుండా ఈ టెక్నిక్ ఉపయోగిస్తారు. మెరైన్ వన్ అధ్యక్షుడి కోసం సికోర్స్కి కంపెనీ తయారు చేసిన ప్రత్యేకమైన హెలికాప్టర్. ఈ హెలికాప్టర్‌ ను మెరైన్ హెలికాప్టర్ స్క్వాడ్రన్ వన్ నడుపుతుంది. ఇది అమెరికా మెరైన్ ఫోర్స్‌లో భాగం. అమెరికా అధ్యక్షుడు - ఉపాధ్యక్షుడు - ఇతర కీలక అధికారుల రవాణాకు మెరైన్ వన్ బాధ్యత వహిస్తుంది. ఈ స్క్వాడ్రన్‌ లోని నలుగురు పైలట్లను మాత్రమే హెలికాప్టర్ ఎక్కడానికి అనుమతిస్తారు. వీరిని నైట్ వాక్స్ అని పిలుస్తారు.

మెరైన్ వన్‌ కు చాలా ప్రత్యేకతలున్నాయి. మెరైన్ వన్‌ లో అత్యాధునిక సమాచార వ్యవస్థ ఉంటుంది. క్షిపణి దాడులను కూడా తట్టుకుంటాయి. ఇది గంటకు 241 కిలోమీటర్ల వేగంతో ప్రయాణిస్తుంది. భారీ పేలుళ్లను తట్టుకొనేలా బాలిస్టిక్ ఆర్మర్ ఉంది. క్షిపణి హెచ్చరిక వ్యవస్థతో పాటు క్షిపణి రక్షణ వ్యవస్థ కూడా ఉంది. 1957లో నాటి అమెరికన్ ప్రెసిడెంట్ ఐసన్ హోవర్ హెలికాప్టర్‌ లో ప్రయాణించిన తొలి అమెరికా అధ్యక్షుడిగా పేరు తెచ్చుకొన్నారు.