కేజ్రీవాల్​ అధికారాలకు కత్తెర.. మండిపడుతున్న ఆప్​..!

కేంద్ర ప్రభుత్వం మరో వివాదాస్పదమైన బిల్లును తెరమీదకు తీసుకొచ్చింది. ఢిల్లీలో ప్రజాస్వామ్యయుతంగా ఎన్నికైన సీఎం కేసీఆర్​ అధికారాలకు భారీగా కోత విధించింది. అక్కడి లెఫ్ట్​నెంట్​ గవర్నర్​కు విశేషాధికారాలు కట్టబెడుతూ ఓ బిల్లును తీసుకొచ్చింది. ఈ బిల్లుపై ఢిల్లీ సీఎం అరవింద్​ కేజ్రీవాల్ తీవ్ర ఆగ్రహం వ్యక్తం చేస్తున్నారు. ఇది ప్రజాస్వామ్యంపై దాడి అంటూ ఆయన వ్యాఖ్యానించారు. రాజ్యాంగ విరుద్ధమని ఆరోపించారు.

ఇందుకు సంబంధించిన పూర్తి వివరాలు..
తొలుత ఢిల్లీ కేంద్రపాలిత ప్రాంతంగానే ఉండేది. అయితే ఆ తర్వాత దీన్ని ప్రత్యేక అసెంబ్లీతో కూడిన కేంద్రపాలిత రాష్ట్రంగా ప్రకటించారు. దీంతో ఆ రాష్ట్రానికి అసెంబ్లీ ఎన్నికలు జరుగుతున్నాయి. ముఖ్యమంత్రి కూడా ఉంటూ వస్తున్నారు.


అయితే ఒక్క పోలీస్​శాఖ మినహా.. మిగతా అధికారాలన్ని అక్కడి అసెంబ్లీకి ఉంటాయి. మిగతా రాష్ట్రాల్లాగానే అక్కడి అసెంబ్లీలో బిల్లులు పాస్​ చేస్తుంటారు. అయితే కేంద్రం తాజాగా ఢిల్లీ లెఫ్ట్​నెంట్​ గవర్నర్​కు విస్తృత అధికారాలు కట్టబెడుతూ ఓ బిల్లును తీసుకొచ్చింది. గవర్నమెంట్ ఆఫ్ నేషనల్ కేపిటల్ టెరిటోరీ ఆఫ్ ఢిల్లీ (సవరణ) బిల్లు 2021ను కేంద్రం లోక్‌సభ ముందుంచింది. కేంద్ర హోం శాఖ సహాయ మంత్రి జి కిషన్‌రెడ్డి ఈ బిల్లును లోక్‌సభ ముందుంచారు.

ఈ బిల్లు ప్రకారం.. రాష్ట్ర ప్రభుత్వం అసెంబ్లీలో ఏ బిల్లు పెట్టాలన్న లెఫ్ట్​నెట్​ గవర్నర్​ ఆమోదం ఉండాల్సిందే. అంటే లెఫ్ట్​నెంట్​ గవర్నర్​ కేంద్రం ప్రభుత్వం ఆధీనంలో ఉంటారు కాబట్టి ఇక ఆ రాష్ట్ర ప్రభుత్వం ఏ బిల్లు తీసుకొచ్చినా కేంద్రం ఆమోదం తెలపాల్సిందే. దీంతో ఢిల్లీ సీఎం అరవింద్​ కేజ్రీవాల్​ మండిపడుతున్నారు. కొత్త బిల్లు ద్వారా .. ఢిల్లీ కూడా మిగిలిన కేంద్ర పాలిత ప్రాంతాలుగానే మారిపోనున్నది.

ఈ బిల్లును అరవింద్​ కేజ్రీవాల్​ తీవ్రంగా ఖండించారు. ఢిల్లీలో బీజేపీ దారుణంగా ఓడిపోవడంతో .. ఢిల్లీపై పెత్తనం చెలాయించేందుకు ఇటువంటి రాజ్యాంగ విరుద్ధమైన బిల్లును తీసుకొచ్చారని ఆయన ఆరోపించారు. ఈ మేరకు ఆయన ట్వీట్​ చేశారు. కేంద్ర నిర్ణయం ప్రజాస్వామాన్ని అపహాస్యం చేయడమేనని ఆయన ఆరోపించారు. కొత్త బిల్లు ప్రకారం.. ఢిల్లీ రాష్ట్ర ప్రభుత్వానికి ఉండే అధికారాల్లో కోత పడనున్నది. అక్కడి ప్రభుత్వం ఏ బిల్లు తీసుకొచ్చినా ముందుగా లెఫ్ట్​నెంట్​ గవర్నర్​ ఆమోదం పొందాల్సి ఉంటుంది.