Begin typing your search above and press return to search.
ఢిల్లీలో మరో దారుణం.. ప్రేయసిని చంపి ఫ్రిజ్‌ లో పెట్టిన ప్రియుడు!
By: Tupaki Desk | 15 Feb 2023 11:43 AM GMT
ఢిల్లీలో శ్రద్ధా వాకర్‌ హత్యను ఇంకా జనాలు మరిచిపోకముందే మరో దారుణం చోటు చేసుకుంది. తనను ప్రేమించి మరో యువతిని ఎందుకు పెళ్లాడుతున్నావని ప్రశ్నించినందుకు ఆగ్రహం పట్టలేక తన ప్రేయసిని అత్యంత కిరాతకంగా చంపాడు.. ఆమె ప్రియుడు. అంతేకాకుండా ఆ యువతిని చంపేసి ఊళ్లోని తన దాబాలో ఉన్న రిఫ్రిజరేటర్‌లో దాచాడు. ఢిల్లీలో మూడు రోజుల క్రితం జరిగిన ఈ దారుణం ప్రేమికుల దినోత్సవం రోజు వెలుగుచూడటం కలకలం రేపింది.
ఢిల్లీ పోలీసులు తెలిపిన వివరాల ప్రకారం.. నైరుతి ఢిల్లీలోని మిత్రోన్‌ గ్రామానికి చెందిన సాహిల్‌ గెహ్లాట్‌ (24) గత కొన్నేళ్లుగా నిక్కీ యాదవ్‌ అనే యువతితో సహజీవనంలో ఉన్నాడు. ఆ యువతిది హర్యానా. 2018 జనవరిలో ఉత్తమ్‌ నగర్‌లోని ఒక కోచింగ్‌ ఇన్‌స్టిట్యూట్‌లో వీరిద్దరికి పరిచయం ఏర్పడింది. ఈ పరిచయం ప్రేమకు దారితీసింది. అప్పటి నుంచి ఇద్దరూ సహజీవనం చేస్తున్నారు. ఈ విషయం ఇద్దరి ఇంట్లో తెలియదు. కోచింగ్‌ పేరుతో ఢిల్లీలో ఉంటూ సహజీవనం చేస్తున్నారు.
ఈ క్రమంలో సాహిల్‌ గెహ్లాట్‌ తల్లిదండ్రులు అతడికి వేరే అమ్మాయితో వివాహం తలపెట్టారు. ఈ విషయం సాహిల్‌ తన ప్రియురాలు నిక్కీ యాదవ్‌ కు చెప్పలేదు. అయితే ఈ విషయం ఎలాగో తెలుసుకున్న అతడిని నిలదీసింది. తనను పెళ్లి చేసుకోవాలని కోరింది. తనను కాదని మరొకరిని పెళ్లాడితే వేరే కేసులో ఇరికిస్తానని హెచ్చరించింది.
అయితే తన ప్రేయసి మాటను లెక్కచేయని సాహిల్‌ ఫిబ్రవరి 9వ తేదీన మరో అమ్మాయితో నిశ్చితార్థం చేసుకున్నాడు. దీంతో నిక్కీ యాదవ్‌ అతడికి ఫోన్‌ చేసి ఉత్తమ్‌ నగర్‌లోని తన ఫ్లాట్‌కు రమ్మని పిలిచింది. దీంతో సాహిల్‌ తన కారులో బాధితురాలి ఇంటికి వెళ్లి.. అక్కడి నుంచి ఆమెను కారులో బయటకు తీసుకొచ్చాడు. అయినా అక్కడ కూడా పెళ్లి కోసం నిక్కీ అతడిని ఒత్తిడి చేసింది.
అతడి నిశ్చితార్థం జరిగిన రోజు ఫిబ్రవరి 9న ప్రియుడితో కలిసి గోవాకు వెళ్లేందుకు టిక్కెట్లు బుక్‌ చేసింది. తనతో పాటు గోవాకు రావాలని అడగ్గా.. సాహిల్‌ తిరస్కరించాడు. దీంతో ఇద్దరి మధ్య ఆ రోజు అర్ధరాత్రి గొడవ చోటు చేసుకుంది. దీంతో కోపోద్రిక్తుడైన గెహ్లాట్‌ కారులో మొబైల్‌ ఫోన్‌ డేటా కేబుల్‌తో నిక్కీ గొంతుకు బిగించి హతమార్చాడు.
అనంతరం నిక్కీ మృతదేహాన్ని కారులో తన దాబా దగ్గరకు తీసుకెళ్లి అందులో ఉన్న ఫ్రిజ్‌లో పెట్టి దానికి తాళం వేసి అక్కడి నుంచి వెళ్లిపోయాడు. ఫిబ్రవరి 10న తాను నిశ్చితార్థం జరుపుకున్న అమ్మాయిని పెళ్లి చేసుకున్నాడు. కాగా నిందితుడు సాహిల్‌ గెహ్లాట్‌ను ఢిల్లీ దగ్గర్లోని కయిర్‌ గ్రామంలో పోలీసులు అరెస్టు చేశారు. నిందితుడు తన నేరాన్ని అంగీకరించాడు.
కాగా ప్రిజ్‌ లో ఉంచిన నిక్కీ మృతదేహం రిఫ్రిజిరేటర్‌ లోపల చెక్కుచెదరకుండా ఉందని పోలీసులు తెలిపారు. ఆమె గొంతుపై నులిమిన గుర్తులు ఉన్నాయన్నారు.
ఢిల్లీ పోలీసులు తెలిపిన వివరాల ప్రకారం.. నైరుతి ఢిల్లీలోని మిత్రోన్‌ గ్రామానికి చెందిన సాహిల్‌ గెహ్లాట్‌ (24) గత కొన్నేళ్లుగా నిక్కీ యాదవ్‌ అనే యువతితో సహజీవనంలో ఉన్నాడు. ఆ యువతిది హర్యానా. 2018 జనవరిలో ఉత్తమ్‌ నగర్‌లోని ఒక కోచింగ్‌ ఇన్‌స్టిట్యూట్‌లో వీరిద్దరికి పరిచయం ఏర్పడింది. ఈ పరిచయం ప్రేమకు దారితీసింది. అప్పటి నుంచి ఇద్దరూ సహజీవనం చేస్తున్నారు. ఈ విషయం ఇద్దరి ఇంట్లో తెలియదు. కోచింగ్‌ పేరుతో ఢిల్లీలో ఉంటూ సహజీవనం చేస్తున్నారు.
ఈ క్రమంలో సాహిల్‌ గెహ్లాట్‌ తల్లిదండ్రులు అతడికి వేరే అమ్మాయితో వివాహం తలపెట్టారు. ఈ విషయం సాహిల్‌ తన ప్రియురాలు నిక్కీ యాదవ్‌ కు చెప్పలేదు. అయితే ఈ విషయం ఎలాగో తెలుసుకున్న అతడిని నిలదీసింది. తనను పెళ్లి చేసుకోవాలని కోరింది. తనను కాదని మరొకరిని పెళ్లాడితే వేరే కేసులో ఇరికిస్తానని హెచ్చరించింది.
అయితే తన ప్రేయసి మాటను లెక్కచేయని సాహిల్‌ ఫిబ్రవరి 9వ తేదీన మరో అమ్మాయితో నిశ్చితార్థం చేసుకున్నాడు. దీంతో నిక్కీ యాదవ్‌ అతడికి ఫోన్‌ చేసి ఉత్తమ్‌ నగర్‌లోని తన ఫ్లాట్‌కు రమ్మని పిలిచింది. దీంతో సాహిల్‌ తన కారులో బాధితురాలి ఇంటికి వెళ్లి.. అక్కడి నుంచి ఆమెను కారులో బయటకు తీసుకొచ్చాడు. అయినా అక్కడ కూడా పెళ్లి కోసం నిక్కీ అతడిని ఒత్తిడి చేసింది.
అతడి నిశ్చితార్థం జరిగిన రోజు ఫిబ్రవరి 9న ప్రియుడితో కలిసి గోవాకు వెళ్లేందుకు టిక్కెట్లు బుక్‌ చేసింది. తనతో పాటు గోవాకు రావాలని అడగ్గా.. సాహిల్‌ తిరస్కరించాడు. దీంతో ఇద్దరి మధ్య ఆ రోజు అర్ధరాత్రి గొడవ చోటు చేసుకుంది. దీంతో కోపోద్రిక్తుడైన గెహ్లాట్‌ కారులో మొబైల్‌ ఫోన్‌ డేటా కేబుల్‌తో నిక్కీ గొంతుకు బిగించి హతమార్చాడు.
అనంతరం నిక్కీ మృతదేహాన్ని కారులో తన దాబా దగ్గరకు తీసుకెళ్లి అందులో ఉన్న ఫ్రిజ్‌లో పెట్టి దానికి తాళం వేసి అక్కడి నుంచి వెళ్లిపోయాడు. ఫిబ్రవరి 10న తాను నిశ్చితార్థం జరుపుకున్న అమ్మాయిని పెళ్లి చేసుకున్నాడు. కాగా నిందితుడు సాహిల్‌ గెహ్లాట్‌ను ఢిల్లీ దగ్గర్లోని కయిర్‌ గ్రామంలో పోలీసులు అరెస్టు చేశారు. నిందితుడు తన నేరాన్ని అంగీకరించాడు.
కాగా ప్రిజ్‌ లో ఉంచిన నిక్కీ మృతదేహం రిఫ్రిజిరేటర్‌ లోపల చెక్కుచెదరకుండా ఉందని పోలీసులు తెలిపారు. ఆమె గొంతుపై నులిమిన గుర్తులు ఉన్నాయన్నారు.
