పాకిస్థాన్​ క్రికెట్​ బోర్డ్​ లో బంధుప్రీతి .. బీసీసీఐ ని చూసైనా నేర్చుకోండి..!

పాకిస్థాన్​ క్రికెట్​ బోర్డుపై ఆ దేశ మాజీ క్రికెటర్​ డానీష్​ కనేరియా ఫైర్​ అయ్యారు. పీసీబీలో బంధుప్రీతి ఎక్కువైందని.. బాగా ఆడుతున్న ఆటగాళ్లను పక్కనపెట్టి .. చెత్త ప్రదర్శన ఇస్తున్నవాళ్లను ఎంపిక చేస్తున్నారని మండిపడ్డారు. జట్టులో చోటుదక్కకపోవడంతో విసుగుచెందిన పాకిస్థాన్​ యువ క్రికెటర్​ సామి అస్లామ్​ ఆ దేశాన్ని విడిచిపెట్టి అమెరికాకు వెళ్లపోయాడు.

ఈ విషయాన్ని ప్రస్తావిస్తూ డానీష్​ పీసీబీపై విమర్శలు గుప్పించారు. ఏ పరిస్థితుల్లో నైనా క్రికెటర్లను ఎంపికచేయనప్పుడు వాళ్లను కాపాడుకోవాలని సూచించారు. ‘ఐపీఎల్​లో రాణించిన సూర్యకుమార్​ను బీసీసీఐ ఎంపికచేయలేదు. కానీ అతడు దేశం విడిచి వెళ్లలేదు. అందుకు కారణం ఎప్పటికైనా బీసీసీఐ తనకు అవకాశం ఇస్తుందని అతడిని నమ్మకం ఉండటమే. బీసీసీఐ అతడికి భరోసా ఇచ్చింది. కానీ పాకిస్థాన్​లో ఆ పరిస్థితి లేదు అందుకే సామి అస్లామ్ దేశం విడిచివెళ్లాడు’ అని డానీష్​ కనేరియా అన్నారు.

పాకిస్థాన్​ యువ క్రికెటర్​ సామి అస్లామ్​ గత కొంతకాలంగా మెరుగైన ప్రదర్శనే ఇస్తున్నాడు. కానీ పీసీబీ అతడిని ఇంగ్లాండ్ పర్యటనకు ఎంపిక చేయలేదు. న్యూజిలాండ్​ టూర్​కు కూడా పక్కనపెట్టింది. బలోచిస్తాన్ సెకండ్ ఎలెవన్‌కు కూడా డీమోట్ చేసింది. దీంతో తీవ్ర నిరాశ చెందిన అస్లామ్​ నేషనల్​ టీ20 నుంచి తప్పుకున్నాడు. అమెరికా నుంచి బరిలోకి దిగేందుకు అక్కడికి వెళ్లిపోయాడు. ఐపీఎల్ 2020 సీజన్‌లో ముంబై ఇండియన్స్ ప్లేయర్ సూర్యకుమార్ యాదవ్ బాగా రాణించాడు.

కానీ సెలెక్టర్లు ఆస్ట్రేలియా టూర్​కు అతడిని ఎంపిక చేయలేదు. ఈ విషయంపై అప్పట్లో తీవ్ర దుమారం చెలరేగింది. సూర్యకుమార్ ​కు అంతర్జాతీయ క్రికెటర్లు సైతం అండగా నిలబడ్డారు. సూర్య ఇంటర్నేషనల్​ క్రికెట్ ​లో రాణించాలంటే న్యూజిలాండ్​ రావాలని ఆ దేశ ఆల్​రౌండర్​ స్కాట్​ స్టైరిస్​ ట్వీట్​ చేశారు. డానిశ్​ ఇప్పుడు ఈ విషయాన్ని కూడా ప్రస్తావిచారు. సూర్యకుమార్​ కు బీసీసీఐ అండగా నిలబడిందని.. అదే సమయంలో అస్లామ్ ​ను పీసీబీ పక్కనపెట్టిందని ఆయన ఆరోపించారు.