భజ్జీ అనవసరంగా బుక్కైపోయాడుగా.. !

మాజీ క్రికెటర్​, లెగ్​ స్పిన్నర్​ హర్బజన్​ సింగ్​ (భజ్జీ) అనవసర వివాదంలో చిక్కుకొని సోషల్​మీడియాలో ట్రోలింగ్​కు గురయ్యాడు. ప్రస్తుతం హర్బజన్​ చైన్నై సూపర్​కింగ్స్​ ​ ఫ్యాన్స్​కు టార్గెట్​గా మారాడు. రీసెంట్​గా సన్‌రైజర్స్‌, చెన్నై సూపర్ కింగ్స్ మ్యాచ్‌ చివర్లో అంపైర్ వైడ్ బాల్ ఇవ్వబోయి.. ధోనీని చూసి ఆగిపోవడం వివాదాస్పదమైన సంగతి తెలిసిందే. ఇందుకు సంబంధించిన వీడియో సోషల్​మీడియాలో తెగ వైరల్​ అయ్యింది. ఈ వ్యవహారంలో పలువురు క్రికెట్​ అభిమానులు ధోనీ తీరును ఎండగట్టారు. మహీ అంపైర్‌ను బెదిరించేలా ప్రవర్తించాడని.. ఇది హుందాగా లేదంటూ పలువురు కామెంట్లు చేశారు. అయితే ఈ విషయంలో ధోనీ తప్పేం లేదని.. నిర్ణయం మార్చుకోవడం అంపైర్‌దే తప్పని కొందరు చెన్నై సూపర్ కింగ్స్ కెప్టెన్‌ను వెనుకేసుకొస్తున్నారు.


ఈ మ్యాచ్​లో సన్‌రైజర్స్ అప్పటికే గెలిచే స్థితిలో లేదు. ఒకవేళ అది వైడ్​బాల్​గా డిక్లేర్​ అయినా చైన్నై సూపర్​కింగ్స్​ కు వచ్చే నష్టం లేదు. కానీ అదే హోరాహోరీ మ్యాచ్​ గనక అయిఉంటే మాత్రం వివాదం పెద్దదయ్యేదే. అయితే ఈ వివాదంలో అనవసరంగా హర్బజన్​ సింగ్​ తలదూర్చాడు.
చెన్నై సూపర్ కింగ్స్‌తో మ్యాచ్ అనంతరం సన్‌రైజర్స్ యువ క్రికెటర్లు అబ్దుల్ సమద్, ప్రియ్ గార్గ్, అభిషేక్ శర్మ తదితరులు ధోనీతో ముచ్చటించారు. ఈ సందర్భంగా వారికి మహీ కొన్ని టిప్స్ చెబుతూ కనిపించాడు. ధోనీ మాటలను శ్రద్ధగా విన్న అబ్దుల్ సమద్.. ఆ ఫొటోను ‘ఇంపార్టెంట్ లెస్సన్స్’ అనే క్యాప్షన్‌తో ట్వీట్ చేశారు. అయితే ఆదిత్య శ్రీనివాస్ అనే వ్యక్తి యస్ అనే క్యాప్షన్‌తో వైడ్ బాల్ కాంట్రవర్సీ వీడియోతో రిప్లయ్ ఇచ్చాడు. అయితే భజ్జీ మాత్రం లాఫింగ్​ ఎమోజీలు పెట్టి ఈ వీడియోను రీ ట్వీట్​ చేశారు.

దీంతో చైన్నై సూపర్​కింగ్స్​ అభిమానులు మండిపడుతున్నారు. భజ్జీ విశ్వాసఘాతకుడంటూ విమర్శలు గుప్పిస్తున్నారు. ముంబై ఇండియన్స్ భజ్జీని రిలీజ్ చేసినప్పుడు ధోనీ తీసుకోకుంటే బాగుండేదంటూ.. విరుచుకుపడుతున్నారు. రెండేళ్లపాటు యెల్లో ఆర్మీ తరఫున ఆడి.. ఇలాగేనా స్పందించేదంటూ ఓ రేంజ్‌లో ఏకి పారేస్తున్నారు. పాకిస్థాన్ మాజీ క్రికెటర్ షాహిద్ ఆఫ్రిదీకి చెందిన కరోనా బాధితులకు ‘షాహిద్ ఆఫ్రిదీ ఫౌండేషన్’ విరాళాలు సేకరిస్తే భజ్జీ మద్దతిచ్చాడు. ‘నువ్వు పాకిస్థాన్​ క్రికెటర్లకు మద్దతిస్తావు.. కానీ ధోనీని మాత్రం ఎగతాళి చేస్తావా’ అంటూ ట్రోల్స్​ చేస్తున్నారు.