అదృష్టం అంటే ఇతడిదే..సంక్షోభంలో లక్షల కోట్ల సంపద!

కరోనా వచ్చాక చాలా రంగాలు సంక్షోభంలో కూరుకు పోయాయి. కొన్ని దివాళా తీయగా చాలా కంపెనీలు సిబ్బందిని తగ్గించుకుని అలా నెట్టుకొస్తున్నాయి. కొన్ని సంస్థలు నో వర్క్.. నో పే విధానాన్ని అవలంబిస్తున్నాయి. అలా అన్ని రంగాలు ఇబ్బందుల్లో ఉండగా ఈ సమయంలోనూ కొన్ని రంగాలు దూసుకెళుతున్నాయి. అవి అన్ని మెడికల్ పరమైనవే. కరోనా భయంతో చాలా మంది విటమిన్ ట్యాబ్ లెట్లు వాడుతున్నారు. ఎప్పుడూ లేని విధంగా వ్యక్తిగత శుభ్రతకు ప్రాధాన్యం ఇస్తూ శానిటైజర్లు, హ్యాండ్ వాష్ లు వంటివి విపరీతంగా వాడుతున్నారు. ఈ రకం సంస్థలు ప్రస్తుతం బాగా వృద్ధి చెందాయి. ఫార్మా రంగాలు బాగా అభివృద్ధి సాధించాయి. తాజాగా చైనాకు చెందిన ఫార్మా కంపెనీలు నడుపుతున్న వ్యాపారవేత్త జాంగ్​ షాన్​షన్ 4.3 లక్షల కోట్ల నికర సంపాదనతో ఆ దేశంలోనే అపర కుబేరుడిగా అవతరించాడు.


కరోనా ఎఫెక్ట్​ తో అన్ని దేశాల్లో ఆర్థిక పరిస్థితులు మారి పోతున్నాయి. కొన్ని వ్యాపారాలు తీవ్ర నష్టాన్ని చవిచూస్తుండగా.. మరికొన్ని వ్యాపారాలు మాత్రం లాభాలు గడిస్తున్నాయి. అయితే ప్రపంచ దేశాలన్నీ కకావికలమైన వేళ.. చైనా ఆర్థికం గా ఏ మాత్రం దెబ్బతినలేదు. అయితే తాజాగా ఆ దేశంలో ఓ కీలక పరిణామం చోటుచేసుకుంది. చైనాలో ఇప్పటి వరకు అత్యంత ధనికుడిగా పేరు గడించిన అలీబాబా వ్యవస్థాపకుడు జాక్​ మాను తన ర్యాంక్ ​ను కోల్పోయాడు. ఆ దేశానికి చెందిన మరో వ్యాపార వేత్త జాంగ్​ షాన్​షన్ 4.3 లక్షల కోట్ల నికర సంపాదనతో నంబర్​ వన్​ స్థానాన్ని దక్కించుకుని అత్యంత సంపన్నుడిగా స్థానం పొందాడు. జాంగ్​ షాన్​సన్​కు వాటర్​బాటిల్స్​, బెవరేజేస్​, ఫార్మాకంపెనీలు ఉన్నాయి. తాజాగా బుధవారం అతడి కంపెనీ షేర్లు దూసుకు పోయాయి. దీంతో చైనా లో నెంబర్​ వన్​ వ్యాపార వేత్తగా ఎదిగాడు. ముఖేశ్​ అంబానీ తర్వాత ఆసియాలోనే అత్యంత ధనవంతుడిగా రికార్డులకు ఎక్కాడు.