2021లో బెస్ట్ కాలేజీలు.. నెంబర్ 1 మద్రాస్ ఐఐటీ.. మరి హైదరాబాద్?

దేశంలోని ఉన్నత విద్యా సంస్థలకు ర్యాంకుల్ని ప్రకటించింది నేషనల్ ఇన్ స్టిట్యూషనల్ ర్యాంకింగ్ ఫ్రేమ్ వర్క్.. షార్ట్ కట్ లో చెప్పాలంటే ఎన్ఐఆర్ఎఫ్. కాలేజీల బోధన.. ఇతర హంగులు.. పని తీరు ఆధారంగా ర్యాంకుల జాబితాను విడుదల చేశారు. కేంద్ర విద్యా శాఖా మంత్రి ధర్మేంధ్ర ప్రదాన్ విడుదల చేసిన ఈ ర్యాంకింగ్ లో ఆసక్తికర అంశాలు ఉన్నాయి. 2021 సంవత్సరానికి గాను విడుదల చేసిన ఈ ర్యాంకింగ్ లో వరుస పెట్టి.. ముచ్చటగా మూడోసారి మద్రాస్ ఐఐటీ నెంబర్ వన్ స్థానంలో నిలిచింది. ఓవరాల్ ర్యాంకుల్లోనే కాదు.. ఇంజినీరింగ్ బోధనలోనూ ఆ కాలేజీ మొదటి స్థానంలో నిలిచింది.

ఓవరాల్ కేటగిరిలో ఐఐటీ (మద్రాస్) మొదటి స్థానంలో నిలిస్తే.. రెండో స్థానంలో ఇండియన్‌ ఇన్‌స్టిట్యూట్‌ ఆఫ్‌ సైన్స్‌–బెంగళూరు నిలిచింది. మూడో స్థానంలో ఐఐటీ–బాంబే నిలిచింది. మరి.. తెలుగు రాష్ట్రాల్లో ఉన్న విద్యా సంస్థల మాటేమిటి? అన్న విషయాన్ని చూస్తే.. టాప్ 100 జాబితాలో చోటు దక్కించుకున్నాయి. ఐఐటీ హైదరాబాద్ కు 16వ ర్యాంకు.. హైదరాబాద్ సెంట్రల్ యూనివర్సిటీకి 17వ ర్యాంకు లభించింది. గత ఏడాదితో పోలిస్తే.. ఐఐటీ హైదరాబాద్ సంస్థ ఒక ర్యాంకును మెరుగుపర్చుకోవటం గమనార్హం.అదే సమయంలో హైదరాబాద్ సెంట్రల్ వర్సిటీ రెండు ర్యాంకుల్ని చేజార్చుకొని వెనుకపడింది.

ఇక.. ఆంధ్రా వర్సిటీ 48వ ర్యాంకు సాధించగా.. ఎన్ఐటీ వరంగల్ 59వ ర్యాంకులో.. ఉస్మానియా వర్సిటీ 62వ స్థానంలో నిలిచాయి. కేఎల్ కాలేజ్ ఆఫ్ ఇంజినీరింగ్ 69వ స్థానంలో.. ఎస్ వీయూ 92వ స్థానంలో నిలిచాయి. యూనివర్సిటీ కేటగిరీలో ఇండియన్ ఇన్ స్టిట్యూట్ ఆఫ్ సైన్స్ బెంగళూరు మొదటి స్థానం దక్కితే.. హైదరాబాద్ సెంట్రల్ యూనివర్సిటీ తొమ్మిదో స్థానంలో నిలిచి.. టాప్ 10లో చోటు దక్కించుకుంది.

రెండు తెలుగు రాష్ట్రాల్లోని వర్సిటీలకు దక్కిన ర్యాంకుల్ని చూస్తే..
- ఆంధ్రా యూనివర్సిటీకి 24వ ర్యాంకు
- ఉస్మానియా వర్సిటీ 32వ ర్యాంకు
- కోనేరు లక్ష్మయ్య ఎడ్యుకేషన్‌ ఫౌండేషన్‌ 35వ ర్యాంకు
- ఎస్వీయూ 54వ ర్యాంకు
- గాంధీ ఇన్‌స్టిట్యూట్‌ ఆఫ్‌ టెక్నాలజీ అండ్‌ మేనేజ్‌మెంట్‌ 67వ ర్యాంకు
- ట్రిపుల్‌ ఐటీ–హైదరాబాద్‌ 83వ ర్యాంకు
- విజ్ఞాన్స్‌ ఫౌండేషన్‌ ఫర్‌ సైన్స్, టెక్నాలజీ, రీసెర్చ్‌ యూనివర్శిటీ 97వ ర్యాంకు
కాలేజీల విషయానికి వస్తే.. రెండు తెలుగురాష్ట్రాల్లో కేవలం రెండు కాలేజీలు మాత్రమే చోటు దక్కించుకోవటం విశేషం. అందులో ఒకటి విజయవాడలోని ఆంధ్రా లయోలా కాలేజీ 34వ ర్యాంకును సొంతం చేసుకోగా.. హైదరాబాద్ లోని సెయింట్ ఫ్రాన్సిస్ కాలేజ్ ఫర్ విమెన్ 85వ స్థానం లభించింది. రీసెర్చ్ కేటగిరిలో ఐఐటీ హైదరాబాద్ కు 15వ ర్యాంకు లభించగా.. హైదరాబాద్ సెంట్రల్ యూనివర్సిటీకి 25వ ర్యాంకు దక్కింది.
ఇంజినీరింగ్ విభాగంలో
- ఐఐటీ–హైదరాబాద్‌ 8వ ర్యాంకు
- ఎన్‌ఐటీ–వరంగల్‌ 23వ ర్యాంకు
- కోనేరు లక్ష్మయ్య ఫౌండేషన్‌ 50వ ర్యాంకు
- ట్రిపుల్‌ ఐటీ–హైదరాబాద్‌ 54వ ర్యాంకు
- జేఎన్‌టీయూ–హైదరాబాద్‌ 62వ ర్యాంకు
- కాలేజ్‌ ఆఫ్‌ ఇంజినీరింగ్‌–విశాఖపట్నం 74వ ర్యాంకు
మేనేజయ మెంట్
- హైదరాబాద్ కు చెందిన ఇక్ఫాయ్‌ ఫౌండేషన్‌ ఫర్‌ హయ్యర్‌ ఎడ్యుకేషన్‌ 27వ ర్యాంకు
- కోనేరు లక్ష్మయ్య ఎడ్యుకేషన్‌ ఫౌండేషన్‌ 38వ ర్యాంకు
- చిత్తూరు క్రియా వర్సిటీ 50 వర్యాంకు
- హైదరాబాద్ లోని ఇన్ స్టిట్యూట్ ఆఫ్ మేనేజ్ మెంట్ టెక్నాలజీకి 63వ ర్యాంకు
ఫార్మసీ
- హైదరాబాద్ కు చెందిన నైఫర్ (నేషనల్‌ ఇన్‌స్టిట్యూట్‌ ఆఫ్‌ ఫార్మాసూ్యటికల్‌ ఎడ్యుకేషన్‌ అండ్‌ రీసెర్చ్‌ ) 6 ర్యాంకు
- విశాఖలోని ఏయూ కాలేజ్‌ ఆఫ్‌ ఫార్మాసూ్యటికల్‌ సైన్సెస్‌ 30వ ర్యాంకు
- తిరుపతిలోని శ్రీ పద్మావతి మహిళా విద్యాలయం 44వ ర్యాంకు
- కాకతీయ యూనివర్సిటీ 48వ ర్యాంకు
- ఎస్వీయూ 54వ ర్యాంకు
- అనంతపురానికిచెందిన రాఘవేంద్ర ఇన్‌స్టిట్యూట్‌ ఆఫ్‌ ఫార్మాకు 55వ ర్యాంకు
- చిత్తూరులోని శ్రీవెంకటేశ్వర కాలేజ్‌ ఆఫ్‌ ఫార్మసీకి 62వ ర్యాంకు
- గుంటూరులోని చలపతి ఇన్‌స్టిట్యూట్‌ ఆఫ్‌ ఫార్మా 69వ ర్యాంకు
- నర్సాపూర్ లోని విష్ణు ఇన్‌స్టిట్యూట్‌ ఆఫ్‌ ఫార్మాకు 72వ ర్యాంకు
మెడిసిన్
- ఢిల్లీలోని ఎయిమ్స్ మొదటి స్థానంలో నిలిచింది.
- నెల్లూరులోని నారాయణ మెడికల్ కాలేజీ 43వ స్థానంలో నిలిచింది.
డెంటల్ కాలేజీ
- పశ్చిమ గోదావరి జిల్లాలోని విష్ణు డెంటల్‌ కాలేజీ 23వ ర్యాంకు
- సికింద్రాబాద్ లోని ఆర్మీ కాలేజ్‌ ఆఫ్‌ డెంటల్‌ సైన్సెస్‌ 30వ ర్యాంకు
లా ఎడ్యుకేషన్
- బెంగళూరులోని నేషనల్‌ లా స్కూల్‌ ఆఫ్‌ ఇండియా వర్సిటీ మొదటి స్థానంలో నిలిచింది.
- హైదరాబాద్ లోని నల్సార్ మూడో ర్యాంకు
- విశాఖలోని దామోదరం సంజీవయ్య నేషనల్ లా వర్సిటీకి 28వ ర్యాంకు
- హైదరాబాద్ లోని ఇక్ఫాయ్‌ ఫౌండేషన్‌ ఫర్‌ హయ్యర్‌ ఎడ్యుకేషన్‌ కు 29వ ర్యాంకు
ఆర్కిటెక్చర్
- ఐఐటీ రూర్కీ మొదటి స్థానంలో నిలిచింది.
- విజయవాడలోని స్కూల్ ఆఫ్ ప్లానింగ్ అండ్ ఆర్కిటెక్చర్ 8వ ర్యాంకు.