పాత వాహనాలు ఉన్నాయా? అయితే వడ్డన తప్పదు..!

మీకు పాత వాహనాలు ఉన్నాయి. మీ వాహనం కొని ఎనిమిదేళ్లు అంతకంటే ఎక్కువైందా? అయితే మీకు పన్నుల మోత తప్పదు. పాత వాహనాలపై 10 నుంచి 25 శాతం గ్రీన్ టాక్స్​ వేసేందుకు కేంద్రం సిద్ధమైంది. మేరకు కేంద్రం ప్రతిపాదనలు సిద్ధం చేసింది. ఫిట్​నెస్​ సర్టిఫికెట్​ రెన్యూవల్​ చేసుకోనే టైంలో ఈ పన్ను వేయనున్నట్టు సమాచారం. మరోవైపు ప్రజారవాణా, వ్యవసాయ సంబంధిత వాహనాలకు ( ట్రాక్టర్లు, హార్వెస్టర్లు) ఈ పన్ను కొంత తక్కువ ఉండొచ్చని సమాచారం.

మరోవైపు కాలుష్యం ఎక్కువగా ఉన్న నగరాల్లో దాదాపు 50 శాతం పన్ను వేయబోతున్నట్టు టాక్​. అయితే పెట్రోల్​ వాహనాలు, డిజిల్​ వాహనాలకు వేరువేరుగా ట్యాక్స్​లు వేయబోతున్నట్టు సమాచారం. అయితే పొల్యూషన్​ ఫ్రీ వెహికిల్స్​కు ఈ ట్యాక్స్​ ఉండదు. మరోవైపు వ్యవసాయ అనుబంధ రంగాల్లో వాడే వాహనాలకు ఈ పన్ను నుంచి మినహాయింపు ఇవ్వబోతున్నట్టు సమాచారం.

అయితే ఈ కొత్త తరహా పన్నులపై ఇప్పటికే కేంద్రప్రభుత్వం ఆయా రాష్ట్రాలకు ప్రతిపాదనలు పంపించింది. రాష్ట్రాలన నుంచి ఆమోదం రాగానే కేంద్ర ప్రభుత్వం ఈ పన్నులపై నిర్ణయం తీసుకొనే అవకాశం ఉంది. దేశంలోని వివిధ నగరాలు ఇప్పటికే కాలుష్యంలో చిక్కుకున్నాయి. ప్రధానంగా పరిశ్రమలన నుంచి వచ్చే కాలుష్యంతోపాటు, వాహన కాలుష్యం కూడా ఎక్కువైంది. ఈ నేపథ్యంలో ప్రజల ఆరోగ్యాన్ని దృష్టిలో ఉంచుకొని కేంద్రప్రభుత్వం ఈ నిర్ణయం తీసుకున్నట్టు తెలుస్తోంది.