విజయవాడ విమానాశ్రయానికి మరో మణిహారం

విజయవాడ విమానాశ్రయంలో కొత్త రన్ వే సిద్ధమైంది. అంతర్జాతీయ విమానాశ్రయంగా మార్చడంతో కొత్తరన్ వే నిర్మించారు. ఇదిప్పుడు రన్ వేకు సిద్ధమవుతోంది. విజయవాడ విమానాశ్రయంలో 125 కోట్ల వ్యయంతో 1074 మీటర్ల మేర రన్ వే నిర్మాణం పూర్తి చేశారు.

విజయవాడ విమానాశ్రయానికి పెరుగుతున్న విమానాల తాకిడిని దృష్టిలో పెట్టుకొని ఈ కొత్త రన్ వే నిర్మించారు. ఇప్పటికే విజయవాడలో 2286 మీటర్ల పొడువున్న పాత రన్ వేపై విమానాల టేకాఫ్, ల్యాండింగ్ తీసుకుంటున్నాయి. ఇప్పుడు కొత్తది అందుబాటులోకి రావడంతో మొత్తం రన్ వే పొడువు 3360 మీటర్లకు చేరింది.

విజయవాడ ట్రయల్ రన్ కు అనుమతలిస్తూ డైరెక్టర్ జనరల్ ఆఫ్ సివిల్ ఏవియేషన్ ఉత్తర్వులు ఇచ్చినట్లు సమాచారం.

ఈ నెలాఖరు నాటికి కొత్త రన్ వేపై విమానాల టేకాఫ్, ల్యాండింగ్ ల ట్రయల్ రన్ నిర్వహించనున్నారు. ట్రయల్ రన్ విజయవంతమయ్యాక ఈ రన్ వే దేశీయ, అంతర్జాతీయ విమానాల టేకాఫ్, ల్యాండింగ్ కు వినియోగిస్తారు.