కరోనా ఎఫెక్ట్: ఏపీ షట్ డౌన్ ...!

భారతదేశంలో కరోనా విజృంభిస్తుండడంతో దేశంలోని అన్ని రాష్ట్రాలు అలర్ట్ అయ్యాయి. దేశంలో 147 కరోనా పాజిటివ్ కేసులు నమోదయ్యాయి. దీనితో భారతదేశంలో కరోనా వైరస్‌ ను కట్టడి చేసేందుకు రాష్ట్ర ప్రభుత్వాలు పక్కా ప్రణాళికలు రచించి అమలు చేస్తున్నాయి. కాగా , కరోనా తెలుగు రాష్ట్రాలలో కూడా వేగంగా విస్తరిస్తుంది. ఇప్పటివరకు తెలంగాణ లో ఆరు కరోనా పాజిటివ్ కేసులు నమోదు కాగా - ఏపీలో ఒక్క కేసు నమోదు అయ్యింది. అయితే , రోజురోజుకి కరోనా భాదితులు ఊహించని విదంగా పెరిగిపోతున్నారు. దీనితో ఏపీ ప్రభుత్వం కీలక నిర్ణయం తీసుకుంది.

ఆంధ్రప్రదేశ్ లోని అన్ని విద్యాసంస్థలకు రేపటి నుండి సెలవులు ఇవ్వాలని రాష్ట్ర ప్రభుత్వం ఉత్తర్వులు జారీ చేసింది. యూనివర్సిటీలు - కళాశాలలు - పాఠశాలలు - కోచింగ్ సెంటర్లతో సహా అన్ని విద్యాసంస్థలకు సెలవు ప్రకటిస్తూ ఏపీ ప్రభుత్వం కీలక నిర్ణయం తీసుకుంది. కరోనా వైరస్ వెలుగులోకి వచ్చి రోజులు గడుస్తున్నా కూడా - కరోనా కి మందు కనిపెట్టలేదు. దీనితో ముందు జాగ్రత్త చర్యలలో భాగంగా పెద్ద మొత్తంలో ఒక చోట ప్రజలు గుమ్మిగూడకుండా చూస్తున్నారు. ఈ కరోనా వైరస్ ప్రభావంతో ఇప్పటికే తెలంగాణ గోవా - రాజస్థాన్ - బీహార్ - పశ్చిమ బెంగాల్ రాష్ట్రాలు సెలవులను ప్రకటించాయి. కర్ణాటకలో మార్చి 31 వరకు మాల్స్ - ధియేటర్లు బంద్ చేశారు. పెళ్లిళ్లు - పబ్లిక్ ఫంక్షన్లు కూడా నిర్వహించవద్దని సూచించారు. కరోనా వైరస్ ప్రభావంతో ఇప్పటివరకు భారత్‌ లో ముగ్గురు ప్రాణాలు కోల్పోయారు.