ఆర్థిక మాంద్యం దెబ్బతో టెక్ ఉద్యోగ కంపెనీలన్నీ ఉద్యోగులను నిర్ధాక్షిణ్యంగా తొలగించేస్తున్నాయి. టెక్ ప్రపంచంలోని ఉద్యోగులకు 2023 కొత్త సంవత్సరంలోని జనవరి నెల పీడకలను మిగిల్చింది. మైక్రోసాఫ్ట్ -గూగుల్ వంటి మరిన్ని బిగ్ టెక్ కంపెనీలు సైతం లేఆఫ్ లు ప్రకటించడంతో ఈ సీజన్ లో అన్ని కంపెనీలు తొలగింపులను వేగవంతం చేశాయి. ప్రపంచవ్యాప్తంగా జనవరిలో సగటున రోజుకు 3400 మందికి పైగా టెక్ ఉద్యోగులు తొలగించబడ్డారు.
లేఆఫ్స్ ట్రాకింగ్ సైట్ లేఆఫ్స్.ఎఫ్వైఐ డేటా ప్రకారం జనవరిలో ఇప్పటివరకు 219 కంపెనీలు 68000 మందికి పైగా ఉద్యోగులను తొలగించాయి. 2022లో 1000 కంపెనీలు 154336 మంది కార్మికులను తొలగించాయని రిపోర్ట్ ఇచ్చింది. 2022 లో ప్రారంభమైన ఈ భారీ సాంకేతిక తొలగింపులు కొత్త సంవత్సరంలో మరింతగా ఎక్కువయ్యాయి. ప్రపంచ ఆర్థిక మాంద్యం మాంద్యం భయాల మధ్య తొలగింపు ఎపిసోడ్లు వేగం పుంజుకున్నాయి.
చాలామంది వ్యాపార ఆర్థికవేత్తలు తమ కంపెనీలు రాబోయే నెలల్లో పేరోల్లను తగ్గించుకుంటాయని అంచనా వేసినందున 2023లో లోతైన తొలగింపులు రానున్నాయిని కంపెనీ వర్గాలు హెచ్చరిస్తున్నాయి. రాబోయే మూడు నెలల్లో తమ సంస్థల్లో మరింతగా కోతలు ఉండొచ్చని సమాచారం. కోవిడ్ మహమ్మారి ప్రారంభ రోజుల నుండి ఎక్కువ మంది వ్యాపార దిగ్గజాలు తమ సంస్థల్లో ఉద్యోగాలు తగ్గిపోతాయని అంచనా వేయడం ఇదే మొదటిసారి. ఈ సంవత్సరం మాంద్యంలోకి ప్రవేశించడం గురించి కంపెనీలు విస్తృతంగా ఆందోళన చెందుతున్నాయి.
మైక్రోసాఫ్ట్ - గూగుల్ వంటి మరిన్ని బిగ్ టెక్ కంపెనీలు కొనసాగిస్తున్న లేఆఫ్ సీజన్ లో భారతదేశంతో సహా ప్రపంచవ్యాప్తంగా జనవరిలో సగటున రోజుకు 3000 మంది టెక్ ఉద్యోగులు ఇప్పుడు తొలగించబడ్డారు. సర్వే ప్రకారం వ్యాపార ఆర్థికవేత్తలలో సగం కంటే కొంచెం ఎక్కువ మంది వచ్చే ఏడాది 50 శాతం లేదా అంతకంటే ఎక్కువమందిపై మాంద్యం వచ్చే ప్రమాదం ఉందని భావిస్తున్నారు. అంటే 2023లో మరిన్ని తొలగింపులు ఖాయమంటున్నారు.
ముఖ్యంగా అమెరికాలోని భారతీయ టెక్ నిపుణులకు డేంజర్ బెల్ అని.. చాలా పెద్ద ఎత్తున వారి తొలగింపునకు కంపెనీలు రెడీ అవుతున్నట్టు సమాచారం. ఈ వార్త వారి కుటుంబాలలో కొందరిపై ప్రభావం చూపుతుందని అంటున్నారు. అయితే ఇది ఇతర వీసా దరఖాస్తులు లేదా ప్రోగ్రామ్లపై ప్రభావం చూపదని కంపెనీలు చెబుతున్నాయి.
గ్రీన్ కార్డ్ శాశ్వత నివాసం ప్రక్రియలో పెర్మ్ అప్లికేషన్ కీలకమైన మొదటి దశలో ఉన్న వారు తొలగించబడితే ఇక వారు అమెరికాలో గ్రీన్ కార్డ్ పొందడానికి శాశ్వత నివాసం ఉండడానికి అనర్హులు అవుతారు. దానికే ఇప్పుడు వారంతా భయపడుతున్న పరిస్థితి నెలకొంది.
లింక్డ్ఇన్ ఉద్యోగం కల్పించడంలో ముందుంది. తొలగించబడిన స్నేహితులు.. సహోద్యోగులకు మద్దతునిస్తుంది.అనేక కంపెనీలు అనిశ్చిత స్థూల ఆర్థిక వాతావరణంలో నావిగేట్ చేయడానికి వారి శ్రామిక శక్తిని ట్రిమ్ చేస్తున్నందున కెరీర్ అడ్డంకులను ఎదుర్కోవటానికి సలహాలు ఇస్తున్నారు. కొత్త ఉద్యోగాల కోసం కనెక్షన్లతో సహాయం అందించడం వంటివి చేస్తోంది.
