కోపంతో ప్రియురాలిని చంపిన ఎన్నారై... ట్విస్ట్ ఇదే!
ఈ సమయంలో గొడవ మరింత తీవ్రమవడంతో ఆగ్రహంతో ఊగిపోయిన సిమ్రన్ జిత్ సింగ్... కారులో నుంచి తుపాకీ తీశాడు.
By: Tupaki Desk | 27 Aug 2023 11:11 AM GMT
అగ్రరాజ్యం అమెరికాలో గన్ కల్చర్ రోజు రోజుకీ పెరిగిపోతున్న సంగతి తెలిసిందే. ఇందులో భాగంగా కొంతమంది మగ్గింగ్ కి పాల్పడుతుంటే.. మరికొందరు ప్రతీ చిన్న విషయానికీ గన్ బయటకు తీస్తున్నారు. ఈ క్రమంలో తాజాగా తన గర్ల్ ఫ్రెండ్ పై తుపాకీతో కాల్చాడు ఎన్నారై.
అవును... అగ్రరాజ్యం అమెరికాలో దారుణ ఘటన చోటుచేసుకుంది. అమెరికాలోని క్యాలిఫోర్నియాలో నివాసం ఉంటున్న సిమ్రన్ జిత్ సింగ్ అనే వ్యక్తికి ఒక గర్ల్ ఫ్రెండ్ ఉంది. ఈ క్రమంలో తాజాగా శనివారం తన గర్ల్ ఫ్రెండ్ ను తీసుకొని ఓ షాపింగ్ మాల్‌ కు వెళ్లాడు. ఈ సందర్భంగా వాళ్లిద్దరూ సరదాగా గడిపారు!
ఆ తర్వాత కాసేపటికి షాపింగ్ ముగిసింది. ఈ సందర్భంగా ఇద్దరూ షాపింగ్ లగేజ్ తీసుకుని కారు పార్కింగ్ వద్దకు వెళ్లారు. ఇంతలోనే ఏమైందో ఏమో కానీ... ఇద్దరి మధ్య చిన్న గొడవ స్టార్ట్ అయ్యింది. అది కాస్తా చినికి చినికి గాలివానగా మారింది. దీంతో సిమ్రన్ జిత్ సింగ్ ఆగ్రహంతో ఊగిపోయాడు.
ఈ సమయంలో గొడవ మరింత తీవ్రమవడంతో ఆగ్రహంతో ఊగిపోయిన సిమ్రన్ జిత్ సింగ్... కారులో నుంచి తుపాకీ తీశాడు. తన గర్ల్ ఫ్రెండ్ పై విచక్షణారహితంగా కాల్పులు జరిపాడు. దీంతో ఆమె అక్కడికక్కడే మరిణించింది.
అప్పటికి ఆగ్రహం చల్లారిందో ఏమో.. కోపం నుంచి తేరుకున్న సిమ్రన్ జిత్... అక్కడనుంచి పారిపోయాడు. కాసేపటికి పార్కింగ్ ప్లేస్ లో ఒక మహిళ డెడ్ బాడీ ఉందనే సమాచారం పోలీసులకు అందింది. దీంతో పోలీసులు హుటాహుటిన సంఘటనా స్థలానికి చేరుకున్నారు.
అనంతరం డెడ్ బాడీని స్వాధీనం చేసుకున్న పోలీసులు... ఈ హత్యకు గల కారణాలను వెతికే పనిలోపడ్డారు. ఇందులో భాగంగా... పార్కింగ్ ప్లేస్ లో ఉన్న సీసీ కెమెరాలను పరిశీలించారు. దీంతో అసలు విషయం బయటపడింది. వెంటనే కేసు నమోదు చేసుకున్న పోలీసులు.. ఓ స్టోర్ వద్ద అతడిని గుర్తించి అరెస్ట్ చేశారు.
ఇక్కడ మరో ట్విస్ట్ ఏమిటంటే... ఇండియన్ ఆరిజన్ అయిన సిమ్రన్ జిత్ సింగ్ వయసు 29ఏళ్లు కాగా... అతని గర్ల్ ఫ్రెండ్ వయసు 34 ఏళ్లు!
