అమెరికాలో విద్యార్థులను భయపెడుతున్న ICE మెయిల్స్

అమెరికాలో ఉన్న వేలాది మంది అంతర్జాతీయ విద్యార్థులు ఇటీవల తమ మెయిల్‌బాక్స్‌లలో ICE (ఇమ్మిగ్రేషన్ అండ్ కస్టమ్స్ ఎన్‌ఫోర్స్‌మెంట్) నుండి వచ్చిన లేఖల్ని చూసి ఆందోళనకు గురయ్యారు. ముఖ్యంగా ఈ సంవత్సరం ప్రారంభంలో జరిగిన భారీ SEVIS (స్టూడెంట్ అండ్ ఎక్స్ఛేంజ్ విజిటర్ ఇన్ఫర్మేషన్ సిస్టమ్) టెర్మినేషన్‌ల తర్వాత, అనేక మంది చట్టబద్ధంగా F-1 వీసా స్టేటస్‌లో ఉన్న విద్యార్థులు అకస్మాత్తుగా తమ స్టేటస్‌ను కోల్పోయారు. ఇప్పుడు, ICE అందరికీ లేఖలు పంపించడం ప్రారంభించడంతో మరింత గందరగోళం ఏర్పడింది.

- ఈ లేఖల ఆంతర్యం ఏమిటి?

ICE పంపిన లేఖల్లో ఒక ముఖ్యమైన ప్రకటన ఉంది: గత SEVIS టెర్మినేషన్‌లు భవిష్యత్తులో విద్యార్థులు వీసా పొడిగింపులు, గ్రీన్ కార్డ్‌లు లేదా ఇతర ఇమ్మిగ్రేషన్ ప్రయోజనాల కోసం దరఖాస్తు చేసే సమయంలో ప్రతికూలంగా పరిగణించబోవని పేర్కొంది. ఈ ప్రకటన వాస్తవానికి విద్యార్థులకు ఉపశమనం కలిగించాల్సినది. కానీ చాలా మందికి ఇది “ప్రశాంతత కాదు, అనిశ్చితి” అన్న భావనను కలిగిస్తోంది.

ఎందుకు విద్యార్థులు ఇప్పటికీ భయపడుతున్నారు?

ICE వంటి ఖచ్చితమైన అధికార సంస్థ చక్కటి, హామీ కలిగిన భాషలో విద్యార్థులకు లేఖలు పంపించడం అరుదు. గతంలో అనేక శాసనాత్మక చర్యలు, వీసా రద్దులు, OPT (Optional Practical Training) ఆలస్యం, H-1B అప్లికేషన్‌లలో చిక్కులు వంటి అనుభవాల వల్ల విద్యార్థుల్లో నమ్మకాన్ని కోల్పోయారు. కనుక ఇప్పుడు వచ్చిన ఈ "ధృవీకరణ" కూడా కొంతమందికి అనుమానాస్పదంగా అనిపిస్తోంది.

-ఈ పరిణామాల ప్రభావం ఏమిటి?

కొంతమంది విద్యార్థులు, మళ్ళీ అమెరికాలోకి తిరిగి రావడానికి ఇబ్బందులు వస్తాయని భయపడి, తమ స్వదేశాలకు వెళ్లాలన్న ఆలోచనను వదిలేస్తున్నారు.కొందరు ఇప్పటికే అమెరికా పౌరులను పెళ్లి చేసుకున్నా గ్రీన్ కార్డ్ దరఖాస్తులను వేయడంలో వెనుకాడుతున్నారు. విద్యార్థులు తమ విద్య, ఉద్యోగ అవకాశాల మీద పూర్తిగా దృష్టిపెట్టలేకపోతున్నారు. ప్రతి మెయిల్‌కు భయపడి జీవించాల్సిన పరిస్థితి ఏర్పడింది.

ICE లేఖలు ప్రక్రియాపరమైనవేనని అధికారులు చెబుతున్నా, గత అనుభవాల కారణంగా విద్యార్థులు ఈ ప్రకటనలను ఆమోదించలేకపోతున్నారు. నమ్మకాన్ని కోల్పోయిన వర్గానికి “ఇది మీకు చెడు ప్రభావం చూపదు” అనే మాటలు సరిపోవు. నిజమైన ఉపశమనం అప్పుడే వస్తుంది, గనుక విద్యార్థులకు మద్దతుగా, స్పష్టంగా, ముందస్తుగా చర్యలు తీసుకుంటే మాత్రమే.

అంతర్జాతీయ విద్యార్థులు అమెరికన్ విద్యా వ్యవస్థకు జీవం. వారికి భద్రత, స్థిరత్వం కల్పించకపోతే, అగ్రరాజ్యం ప్రతిష్టకు కూడా దెబ్బ తగులుతుంది. మంచి మాటలు చాలు, ఇప్పుడు మంచి చర్యలు చేపట్టాల్సిన అవసరం ఎంతైనా ఉంది.