దసరా ఫస్ట్ డే బాక్సాఫీస్.. ఎంత వచ్చాయంటే?

నాని హీరోగా రూపొందిన దసరా సినిమా శ్రీరామనవమి సందర్భంగా మార్చి 30వ తేదీన ప్రపంచవ్యాప్తంగా ప్రేక్షకుల ముందుకు వచ్చిన సంగతి తెలిసిందే. నాని కెరియర్ లోనే మొట్టమొదటి పాన్ ఇండియా మూవీగా రూపొందిన ఈ సినిమా కేవలం తెలుగులోనే కాదు హిందీ, కన్నడ, మలయాళ, తమిళ భాషల్లో సైతం విడుదలైంది.

నాని హీరోగా నటించిన ఈ సినిమాలో నాని సరసన హీరోయిన్గా కీర్తి సురేష్ నటించింది. దీక్షిత్ శెట్టి, సాయికుమార్, సముద్రఖని ఇతర కీలక పాత్రలలో నటించగా మలయాళ నటుడు షైన్ చాం టాకో విలన్ పాత్రలో నటించాడు. సుకుమార్ శిష్యుడు శ్రీకాంత్ ఓదెల దర్శకత్వంలో ఈ సినిమాని శ్రీ లక్ష్మీ వెంకటేశ్వర సినిమాస్ బ్యానర్ మీద సుధాకర్ చెరుకూరి భారీ బడ్జెట్ తో నిర్మించారు.

మొదటి ఆట నుంచి ఈ సినిమాకి మిక్స్ డ్ టాక్ రావడంతో కలెక్షన్స్ ఉహించినంతనే వచ్చాయి. తెలుగులో తప్ప మిగతా చోట్ల అంతంత మాత్రంగానే కలెక్షన్స్ వచ్చినట్లు తెలుస్తోంది.. నాని హీరోగా నటించిన ఈ సినిమాకి సంబంధించిన కలెక్షన్స్ రిపోర్టు ఎలా ఉందనేది పరిశీలిద్దాం.

నాని హీరోగా నటించిన దసరా సినిమా ఏరియాల వారిగా కలెక్షన్స్ ఈ విధంగా ఉన్నాయి.
నైజాం: 6.78 కోట్లు
సీడెడ్: 2.36 కోట్లు
ఉత్తరాంధ్ర: 1.42 కోట్లు
తూర్పు గోదావరి: 90 లక్షలు
పశ్చిమ గోదావరి: 55 లక్షలు,
గుంటూరు: 1.22 కోట్లు,
కృష్ణాజిల్లా: 64 లక్షలు
నెల్లూరు: 35 లక్షలు

రెండు తెలుగు రాష్ట్రాల్లో మొత్తం 14.22 కోట్ల షేర్ 24.85 కోట్ల గ్రాస్ సాధించింది.

కర్ణాటక సహా మిగతా భారత దేశంలో 1.52 కోట్లు, ఇతర భాషలలో - 71 లక్షలు, ఉత్తర భారతదేశంలో -55 లక్షలు, ఓవర్సీస్ లో 4.10 కోట్లు కలెక్ట్ చేసి టోటల్ వరల్డ్ వైడ్ గా 21.10 కోట్ల షేర్ 38.6 కోట్ల గ్రాస్ వసూలు చేసింది.

ఓవరాల్ గా ఈ సినిమాకి ప్రపంచవ్యాప్తంగా 48 కోట్ల బిజినెస్ జరిగింది దీంతో 49 కోట్లు సాధిస్తే సినిమా బ్రేక్ ఈవెన్ అవుతుంది. ఆ బ్రేకింగ్ సాధించాలంటే ఈ సినిమా ఇంకా 27 కోట్ల 90 లక్షలు వసూలు చేయాల్సి ఉంది. మరి మిక్స్ డ్ టాక్ అందుకున్న దసరా మిగతా రోజుల్లో ఎంతవరకు నిలదొక్కుకుంటుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.