సైంధవ్ మూవీ రిలీజ్ డేట్ ఫిక్స్

గత కొన్నేళ్ళుగా వెంకటేష్ ఎక్కువగా రీమేక్ సినిమాల ద్వారా ప్రేక్షకుల ముందుకి వస్తు ఉన్నారు. ఆయన చేసిన గురు, నారప్ప, దృశ్యం సినిమాలు మూడు కూడా రీమేక్ కథలతోనే తెరకెక్కాయి. ఈ సినిమాలతో హ్యాట్రిక్ హిట్స్ ని వెంకటేష్ తన ఖాతాలో వేసుకున్నారు. వాటికి ముందు మారుతితో బాబు బంగారం అనే సినిమా చివరిగా వెంకటేష్ స్ట్రైట్ కథతో చెప్పారు.

ఆ సినిమా ఎవరేజ్ టాక్ తెచ్చుకుంది. అయితే చాలా కాలం తర్వాత మరల ఇప్పుడు ఫుల్ రఫ్ లుక్ లో పవర్ ఫుల్ మాస్ క్యారెక్టర్ ని సైంధవ్ సినిమాలో వెంకటేష్ పోషిస్తున్నారు. శైలేష్ కొలను దర్శకత్వంలో ఈ మూవీ తెరకెక్కుతున్న సంగతి తెలిసిందే. వెంకటేష్ కెరియర్ లోనే భారీ బడ్జెట్ తో తెరకెక్కుతున్న సినిమా ఇది కావడం విశేషం. ఈ మూవీ షూటింగ్ కూడా స్టార్ట్ అయ్యింది.

ఘర్షణ లాంటి బ్లాక్ బస్టర్ మూవీలో వెంకటేష్ పవర్ ఫుల్ సీరియస్ రోల్ లో వెంకటేష్ పవర్ కనిపించాడు. అయితే ఈ సినిమా కూడా తమిళ్ హిట్ మూవీ రీమేక్ అని చెప్పాలి.

అయితే ఇప్పుడు హిట్ సిరీస్ తో సూపర్ సక్సెస్ కొట్టిన శైలేష్ కొలను లాంటి టాలెంటెడ్ డైరెక్టర్ తో వెంకటేష్ సైంధవ్ సినిమా చేస్తున్నాడు.

ఇక ఈ సినిమాని వెంకట్ బోయపనల్లి భారీ బడ్జెట్ తో నిర్మిస్తున్నారు. ఇక పాన్ ఇండియా లెవల్ లోనే ఈ మూవీని తెరకెక్కిస్తూ ఉండటం విశేషం. ఇక ఈ సినిమాతో వెంకటేష్ హ్యాట్రిక్ కొట్టడంతో పాటు పాన్ ఇండియా లెవల్ లో తన ఇమేజ్ ని పెంచుకోవడానికి ప్లాన్ చేస్తున్నారు.

ఇక తాజాగా ఈ మూవీ రిలీజ డేట్ ని చిత్ర యూనిట్ ఎనౌన్స్ చేసింది. డిసెంబర్ 22న ఈ మూవీని గ్రాండ్ గా రిలీజ్ చేయనున్నట్లు కన్ఫర్మ్ చేశారు. ఇదిలా ఉంటే ఈ మూవీలో మృణాల్ ఠాకూర్ ని హీరోయిన్ గా ఎంపిక చేశారు అనే మాట వినిపిస్తుంది. ఇక కోలీవుడ్ సెన్సేషన్ సంతోష్ నారాయణన్ మ్యూజిక్ అందిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.