ఒక్కరోజే 5 కోట్ల వ్యూస్.. రామాయణం సీరియల్ అదుర్స్

కరోనా ధాటికి దేశం మొత్తం లాక్ డౌన్ అయిపోయింది. జనాల అంతా ఇంట్లోనే ఉంటున్నారు. ఖాళీగా ఉంటున్న జనాల కోరిక మేరకు దూరదర్శన్ లో అప్పట్లో ఎంతో హిట్ అయిన 'రామాయణం' సీరియల్ ను కేంద్ర ప్రభుత్వం ప్రసారం చేస్తోంది.

ఈ శని, ఆదివారాల్లో రామాయణం సీరియల్ ప్రసారమైంది. ఉదయం, రాత్రి 9 గంటలకు ప్రసారమైన ఈ దారావాహికకు తాజాగా అద్భుతమైన స్పందన వచ్చింది.

శనివారం ప్రసారమైన ఈ ఎపిసోడ్స్ కు ఏకంగా 34 మిలియన్స్ వ్యూస్ వచ్చినట్టు బార్క్ లెక్కలు చెబుతున్నాయి.

ఇక ఆదివారం ప్రసారమైన ఎపిసోడ్స్ ను ఏకంగా 51 మిలియన్స్ మంది చూశారు. ఇది కొన్నేళ్లుగా ఓ సీరియల్ కు వచ్చిన వీక్షణల్లో గొప్ప రికార్డ్. దేశ చరిత్రలోనే ఇప్పటివరకు ఏ సీరియల్ కు రాని వ్యూస్ రామాయణ్ కు వచ్చాయి. ఏకంగా రెండు ఎపిసోడ్స్ కు 85మిలియన్ వ్యూస్ దక్కడం గమనార్హం. ఇలా లాక్ డౌన్ వేళ జనాలు టీవీలకు అతుక్కుపోతున్న వైనం వెలుగుచూస్తోంది.