హాలీవుడ్ రీమేక్ సినిమాలో ప్రభాస్ హీరోయిన్..?

Thu Jun 24 2021 08:00:01 GMT+0530 (IST)

Prabhas heroine in Hollywood remake movie

టాలీవుడ్ నుండి బాలీవుడ్ ఇండస్ట్రీలో అడుగు పెట్టిన తర్వాత హీరోయిన్ కృతిసనన్ కెరీర్ అమాంతం మారిపోయింది. ఎందుకంటే టాలీవుడ్ లో సూపర్ మహేష్ బాబు సరసన డెబ్యూ చేసిన బ్యూటీ.. ఆ తర్వాత నాగచైతన్య సరసన దోచేయ్ సినిమా చేసింది. ఈ రెండు సినిమాలు తెలుగులో అమ్మడికి హిట్స్ ఇవ్వలేకపోయాయి. ఎప్పుడైతే అలా బాలీవుడ్ లో అడుగుపెట్టిందో అప్పటినుండి కృతి కెరీర్ సుడి తిరిగిందనే చెప్పాలి. ఎందుకంటే కేవలం ఐదేళ్లలో అసలు ఊహించని రేంజిలో బిజీ అయిపోయింది. అందులోను చేతినిండా సినిమాలతో ఎవరికి దొరకట్లేదు.



ఈ పొడుగుకాళ్ల ఢిల్లీ సుందరి.. ప్రస్తుతం చేతిలో పాన్ ఇండియా సినిమాలు కూడా కలిగి ఉంది. కానీ తాజాగా మరో హాలీవుడ్ రీమేక్ సినిమాలో కూడా ఛాన్స్ కొట్టేసినట్లు వార్తలొస్తున్నాయి. మరి ఈ లెక్కన కృతి కెరీర్ ఏ రేంజిలో దూసుకుపోతుందో అర్ధం చేసుకోవచ్చు. హాలీవుడ్ అవార్డు విన్నింగ్ డైరెక్టర్ క్వింటెన్ ట్యారంటీనో దర్శకత్వంలో తెరకెక్కిన సూపర్ సక్సెస్ ఫిల్మ్ 'కిల్ బిల్'. 2003లో విడుదలైన ఈ క్లాసిక్ యాక్షన్ రివెంజ్ ఫిల్మ్.. హిందీలో నిఖిల్ ద్వివేది నిర్మించే పనిలో ఉన్నాడు. ఆల్రెడీ సినిమాకు సంబంధించి బాలీవుడ్ రీమేక్ హక్కులను కూడా దక్కించుకున్నట్లు తెలుస్తుంది.

ఈ అమెరికన్ మార్షల్ ఆర్ట్స్ చిత్రంలో ఉమా తుమ్రాన్ లీడ్ రోల్ పోషించింది. తాజా కథనాల ప్రకారం.. కిల్ బిల్ హిందీ రీమేక్ సినిమాను డైరెక్టర్ అనురాగ్ కష్యప్ తెరకెక్కించునున్నాడు. అలాగే ఈ సినిమాలో ఉమా తుర్మన్ పాత్రకోసం కృతిసనన్ ను సంప్రదించినట్లు తెలుస్తుంది. మరి చూడాలి కృతి ప్రస్తుతం ఉన్నటువంటి కమిట్మెంట్స్ ప్రకారం సినిమాను ఓకే చేస్తుందా లేదా అనేది. అలాగే ప్రస్తుతం ఈ భామ ప్రభాస్ సరసన ఆదిపురుష్ సినిమాలో సీత క్యారెక్టర్ పోషిస్తుంది. అలాగే మరిన్ని సినిమాలు లైనప్ చేసింది. ప్రస్తుతం డైరెక్టర్ అనురాగ్ కష్యప్ కూడా దొబారా అనే సినిమా చేస్తున్నాడు. ఆ సినిమా అనంతరం కిల్ బిల్ రీమేక్ పట్టాలెక్కే అవకాశం ఉంది.