ఆదిపురుష్ ప్రీరిలీజ్‌: చిరంజీవి గారు రామాయ‌ణంలో చేయ‌డం అదృష్ట‌మ‌న్నారు

"మెగాస్టార్ చిరంజీవి గారు రామాయణం చేస్తున్నావా? అని అడిగారు. ఇది అదృష్టం.. గొప్ప‌ అదృష్టం అని అన్నారు. ఈ అవకాశం అందరికి రాదు అని అన్నారు" అని తెలిపారు డార్లింగ్ ప్ర‌భాస్. తిరుప‌తి వెంక‌టేశ్వ‌ర విశ్వ‌విద్యాల‌యం గ్రౌండ్స్ లో జ‌రిగిన ఆదిపురుష్ 3డి వేడుక‌లో డార్లింగ్ ప్ర‌భాస్ ఎంతో ఎమోష‌న‌ల్ గా మాట్లాడారు. ప్రభాస్ మాట్లాడుతూ- "7 నెలల క్రితం ఓం రౌత్‌ని 3డిలో తెరకెక్కించమని అభిమానుల కోసం కోరాను. అప్పుడు మీరు నాకు ఇచ్చిన ప్రోత్సాహం అంతా ఇంతా కాదు. ఆ అభిమానమే నన్ను ఇక్కడి వ‌ర‌కూ తీసుకొచ్చింది. అభిమానులు మాత్రమే మొదటి ట్రైలర్ చూడాలని ఓం అన్నారు. ఈ సినిమాని మీ ముందుకు తీసుకురావాలని నిర్మాతలందరూ యుద్ధం చేశారు. మొదటి నుంచి అడ్డంకులు సమస్యలు ఉన్నాయి.ఈ సినిమా కోసం ఓం రౌత్ చాలా కష్టపడ్డారు" అని తెలిపారు.

అందరికీ ట్రైలర్ నచ్చింది...ఇక్కడికి వచ్చినందుకు చిన జీయర్ స్వామి గారికి కృతజ్ఞతలు.ఆయన సినిమాకు ప్రాముఖ్యత తెచ్చారు. ఇక్కడ ఉన్నందుకు వై.వి. సుబ్బారెడ్డి గారికి తిరుపతి పోలీసులకు కృతజ్ఞతలు. TG విశ్వప్రసాద్ - వివేక్ గారు ఎల్లప్పుడూ నా కోసం ఇక్కడ ఉన్నారు.

భూషణ్ ఈ చిత్రాన్ని సినిమా అనే దానికంటే ఎక్కువగా తీశారు. దాన్ని చాలా సీరియస్‌గా తీసుకుని ఈ సినిమా కోసం కష్టపడ్డాడు. లక్ష్మణ్ ఒక ముఖ్యమైన పాత్ర సన్నీ సింగ్... , మీరు లేకుండా రామాయణం లేదు. జానకిగా కృతి సనన్ ఎక్స్ ప్రెషన్స్ అద్భుతంగా ఉన్నాయి. ప్రజలు వెంటనే ఆమెను సీతగా అంగీకరించారు. దేవ్ మరాఠీలో పెద్ద నటుడు. ఆయనతో పనిచేయడం నాలో కొత్త అనుభూతిని కలిగించింది. ఆయనే నిజంగా హనుమ అని అనుకున్నాను.. అని త‌న టీమ్ స‌హా స‌హ‌తారాగ‌ణంపై ప్ర‌శంస‌లు కురిపించారు ప్ర‌భాస్.

కెమెరామెన్- ఎడిటర్- అజయ్-అతుల్ సినిమాకు కొత్త ఎమోషన్ ఇచ్చారు. ఓం రౌత్ నువ్వే నా సూపర్ స్టార్. అభిమానులే నా బలం. ప్రతి సంవత్సరం రెండు సినిమాలకు పని చేస్తున్నాను. ఇంతకు మించి మాట్లాడలేను. ఏడాదిలో మూడు రావచ్చు. తక్కువ మాట్లాడతాను.. ఎక్కువ పని చేస్తాను. ఆదిపురుష్ సినిమా చేయడం నా అదృష్టం. ఈ కార్యక్రమాన్ని నిర్వహించిన ప్రశాంత్ వర్మకు ధన్యవాదాలు... అని తెలిపారు.