సుమ బలైనా.. ఎన్టీఆర్ ఫ్యాన్స్ హ్యాపీ!

ఆర్ఆర్ఆర్ సినిమా బ్లాక్ బస్టర్ తర్వాత జూనియర్ ఎన్టీఆర్ కొరటాల శివ దర్శకత్వంలో ntr30 సినిమా చేస్తున్న సంగతి తెలిసిందే. ఈ సినిమా ప్రకటన అయితే వచ్చింది కానీ ఇప్పటివరకు సెట్స్​పైకి వెళ్లలేదు. అసలు ఈ షూటింగ్ ఎప్పుడు మొదలు పెడతారు? ఎప్పుడు రిలీజ్ చేస్తారు? అనేది ఎవరికీ క్లారిటీ లేదు. ఇప్పటికే ఎన్టీఆర్​తో కలిసి సినిమా చేసిన రామ్ చరణ్ అనేక సినిమాలు లైన్​లో పెట్టేశారు. దీంతో తారక్​ అభిమానులు ఈ విషయంలో అసంతృప్తి వ్యక్తం చేస్తున్నారు.

అయితే తాజాగా తన అన్న కళ్యాణ్ రామ్ అమిగోస్ సినిమాతో ప్రేక్షకుల ముందుకు రాబోతున్న సందర్భంగా ఈ చిత్ర ప్రీ రిలీజ్ ఈవెంట్​కు ఎన్టీఆర్ గెస్ట్​గా హాజరయ్యారు. ఈ క్రమంలోనే ఎన్టీఆర్ అభిమానులు అక్కడ కూడా ఎన్టీఆర్ కొరటాల శివ సినిమాకు సంబంధించిన అప్డేట్ ఇవ్వాలంటూ పెద్ద ఎత్తున రచ్చ చేశారు. అయితే అదే సమయంలో యాంకరింగ్ చేసిన సుమ.. ఎన్టీఆర్​ 30 అప్డేట్​ విషయాన్ని లేవనెత్తింది.

అంతే ఇక ఎందుకో గాని ఎన్టీఆర్ ఈ విషయంలో సీరియస్ అయిపోయాడు. సుమపై సీరియస్ లుక్స్ ఇస్తూ చాలా కోప్పడుతున్నట్లు కనిపించాడు. దీంతో అక్కడే ఉన్న కళ్యాణ్​ రామ్​.. ఎన్టీఆర్​ను సముదాయించేందుకు ప్రయత్నించగా.. ఎన్టీఆర్​ కాస్త స్థిమిత పడ్డారు. అనంతరం మైక్ తీసుకుని అభిమానులు అడగకపోయినా మీరు చెప్పించేసేలాగా ఉన్నారే అంటూ సుమకు కౌంటర్ వేశారు. ఎన్టీఆర్ 30 అప్డేట్ అనే కాదు ఏ హీరో సినిమా అప్డేట్ అయినా సరే ఎలాంటి ఇబ్బంది లేకుండా మేమే బయట పెడతాం. అలా అన్ని సార్లు అడిగితే దర్శక నిర్మాతల మీద ఒత్తిడి పడుతుంది. దయచేసి ఈ విషయంలో అర్థం చేసుకోండి.

అప్డేట్​ విషయాల్లో మాకు మా కుటుంబ సభ్యుల కన్నా అభిమానులే ఎక్కువ. మా భార్యల కన్నా ముందే మీకే చెబుతాం అంటూ ఎన్టీఆర్ ఫ్యాన్స్​ను ఉద్దేశిస్తూ అన్నారు. ఒకానొక దశలో ఎన్టీఆర్ ఏంటి ఇంత సీరియస్ అయ్యాడు, సుమను ఏమైనా అంటాడేమో అని అందరూ భావించారు. ntr 30 షూటింగ్​ ఫిబ్రవరిలో ప్రారంభవుతుంది, ముందుగా అనుకున్న తేదీకి వచ్చే ఏడాది ఏప్రిల్​ 5న రిలీజ్ అవుతుందని క్లారిటీ ఇచ్చారు. అయితే ఎన్టీఆర్​.. సుమపై సీరియస్​ అయిన ఫొటోలు, వీడియోలు సోషల్​మీడియాలో ఫుల్ వైరల్​ అయ్యాయి. దీంతో నెటిజన్లు ఆగతార ఇక.. మీమ్స్​ రూపంలో సుమను ఓ ఆటాడేసుకున్నారు. అయితే ఎన్టీఆర్​ అభిమానులు కూడా.. మీమ్స్​ రూపంలో థ్యాంక్స్​ సుమ.. ఏదేమైనప్పటికీ ఏన్టీఆర్​ 30 అప్డేట్​ ఇప్పించావ్​ అంటూ ఫుల్ ట్రెండ్ చేశారు. అసలా మీమ్స్​ చూస్తుంటే తెగ నవ్వులే నవ్వులు..


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.