ఫస్ట్‌ లుక్‌ తోనే కట్టి పడేస్తున్న దేవి

ఈమద్య సినిమాలతో పాటు వెబ్‌ సిరీస్‌ లకు మరియు షార్ట్‌ ఫిల్మ్‌ లకు మంచి డిమాండ్‌ ఉంటుంది. అందుకే స్టార్స్‌ కూడా వెబ్‌ సిరీస్‌ ల్లో నటిస్తున్న విషయం తెల్సిందే. వెబ్‌ సిరీస్‌ లను కూడా కోట్లు పెట్టి నిర్మిస్తున్నారు. ఈ సమయంలోనే షార్ట్‌ ఫిల్మ్‌ లకు కూడా డిమాండ్‌ భారీగానే ఉంది. ఒకప్పుడు అంతా కొత్త వారు మాత్రమే షార్ట్‌ ఫిల్మ్‌ చేసేవారు. కాని ఇప్పుడు పరిస్థితి మారింది. కొత్త వారు మాత్రమే కాకుండా స్టార్స్‌ కూడా షార్ట్‌ ఫిల్మ్‌ లు చేస్తున్నారు.

బాలీవుడ్‌ స్టార్స్‌ కాజోల్‌.. శృతి హాసన్‌.. నేహా దుపియా.. నైనా కుల్‌ కర్ని.. ముక్త భర్వే.. రమ జోషి.. శివానీ రఘువంశీలు ఈ షార్ట్‌ ఫిల్మ్‌ లో కీలక పాత్రల్లో కనిపించబోతున్నారు. ఆడవారి యొక్క గొప్పతనంను చాటి చెప్పే విధంగా ఈ దేవి షార్ట్‌ ఫిల్మ్‌ ఉంటుందని చెబుతున్నారు. తాజాగా విడుదలైన దేవి ఫస్ట్‌ లుక్‌ అందరి దృష్టిని ఆకర్షిస్తుంది. విభిన్న తరహా ఆడవారి కలయికతో ఈ షార్ట్‌ ఫిల్మ్‌ ఉంటుందని.. ఆడవారికి ఆదర్శంగా కూడా ఉంటుదని యూనిట్‌ సభ్యులు చెబుతున్నారు. ఈ షార్ట్‌ ఫిల్మ్‌ కు ప్రియాంక బెనర్జీ దర్శకత్వం వహించారు. అతి త్వరలోనే ఇది ప్రేక్షకుల ముందుకు రాబోతుంది.