చిరంజీవి ఇంట్లో సినీ ప్రముఖుల భేటి.. బాలయ్య వ్యాఖ్యలే ఎజెండానా?

టాలీవుడ్ ఇండస్ట్రీ పెద్దదిక్కు గా మారిన మెగా స్టార్ చిరంజీవి ఇంట్లో సినీ ప్రముఖుల తాజా భేటి ఉత్కంఠ రేపుతోంది. సినిమాల షూటింగ్, థియేటర్ల ఓపెనింగ్స్ పై కొద్దిరోజులుగా తెలంగాణ ప్రభుత్వంతో సినీ పెద్దలు భేటి అయ్యారు. ఈ భేటికి తనను పిలువలేదని.. భూములు పంచుకోవడానికే ఈ మీటింగా? అని అగ్రహీరో బాలయ్య నిన్న సంచలన విమర్శలు చేశారు. ఈ వ్యాఖ్యలు సినీ, రాజకీయ వర్గాల్లో తీవ్ర దుమారం రేపాయి.

ఈ నేపథ్యంలో ఈరోజు చిరంజీవి ఇంట్లో మరోసారి సినీ ప్రముఖుల భేటి సర్వత్రా ఆసక్తి రేపుతోంది. సీనీ కార్మికుల రెండో విడత సాయంపై చర్చించేందుకు ఈ సమావేశం ఏర్పాటు చేసినట్లు చెబుతున్నారు.

అయితే ఈ సమావేశంలోనే బాలక్రిష్ణ చేసిన వ్యాఖ్యలు, బాలయ్యకు మెగా బ్రదర్ నాగబాబు ఇచ్చిన కౌంటర్ కూడా చర్చకు వచ్చే అవకాశం ఉన్నట్టు తెలుస్తోంది. ఈ సమావేశం అనంతరం బాలయ్య వ్యాఖ్యలపై చిరంజీవి కూడా స్పందించే అవకాశమున్నట్లు సమాచారం.