హాట్ నటికి విరాట్ కోహ్లీ లైక్.. అసలు కారణం చెప్పాడిలా..

భారత స్టార్ క్రికెటర్ విరాట్ కోహ్లీ ఇటీవల ఇన్‌స్టాగ్రామ్‌లో చురుగ్గా ఉంటున్నారు. ఈ క్రమంలో నటి అవనీత్ కౌర్ ఫోటోలను ఆయన లైక్ చేసినట్లుగా కొంతమంది అభిమానులు గుర్తించారు. ఇది ఆన్‌లైన్‌లో త్వరగా వైరల్ అయింది. దీనిపై అనేక రకాల ఊహాగానాలు, చర్చలు మొదలయ్యాయి. కొంతమంది తప్పుదోవ పట్టించేలా కూడా వార్తలు ప్రచారం చేశారు. అయితే, ఈ పుకార్లకు తెరదించుతూ కోహ్లీ దీనిపై స్పందించారు.

అవనీత్ కౌర్ ఫోటోలకు కోహ్లీ లైక్ చేయడం చూసిన నెటిజన్లు వెంటనే దాన్ని పట్టుకుని సోషల్ మీడియాలో షేర్ చేయడం ప్రారంభించారు. దీంతో ఈ విషయం పెద్ద చర్చనీయాంశంగా మారింది. దీని వెనుక కారణం ఏమిటనే దానిపై పలు రకాల ఊహాగానాలు వినిపించాయి.

ఈ వ్యవహారంపై వస్తున్న వార్తలను, ఊహాగానాలను గమనించిన విరాట్ కోహ్లీ వెంటనే తన ఇన్‌స్టాగ్రామ్ స్టోరీస్ ద్వారా స్పష్టతనిచ్చారు. తన వివరణ పేర్కొన్నారు. "నేను నా ఫీడ్‌ను క్లియర్ చేస్తున్నప్పుడు, అల్గారిథమ్ పొరపాటున ఒక ఇంటరాక్షన్‌ను నమోదు చేసినట్లు అనిపిస్తోంది. దీని వెనుక ఎటువంటి ఉద్దేశ్యం లేదు. దయచేసి ఎవరూ అనవసరమైన ఊహాగానాలు చేయవద్దని నేను కోరుతున్నాను. మీ అవగాహనకు ధన్యవాదాలు" అని కోహ్లీ రాసుకొచ్చారు. అంతేకాకుండా, ఆ లైక్‌ను కూడా వెంటనే ఉపసంహరించుకున్నట్లు తెలిసింది.

ఆసక్తికరమైన విషయమేమిటంటే, కోహ్లీ తన భార్య అనుష్క శర్మ పుట్టినరోజు సందర్భంగా శుభాకాంక్షలు తెలుపుతూ ఒక పోస్ట్ చేసిన మరుసటి రోజే ఈ సంఘటన జరగడం విశేషం.

మొత్తానికి అల్గారిథమ్ తప్పిదం వల్లనే ఈ సంఘటన జరిగిందని, దీనిపై వస్తున్న పుకార్లకు తావులేదని విరాట్ కోహ్లీ తన వివరణతో స్పష్టం చేశారు.