పవన్...చంద్రబాబుని టార్గెట్ చేసిన ఆర్జీవీ

జనసేన అధినేత పవన్ కళ్యాణ్ మీద టాలీవుడ్ డైరెక్టర్ రామ్ గోపాల్ వర్మ చేసిన ట్వీట్ వైరల్ అవుతోంది. అంతే కాదు ఆయన ఏపీ లో చంద్రబాబు అరెస్ట్ తదితర పరిణామాల మీద ఆర్జీవీ ట్వీట్లు వేస్తూ సోషల్ మీడియాలో తనదైన శైలిలో హల్ చల్ చేస్తున్నారు. పవన్ కళ్యాణ్ శనివారం అర్ధరాత్రి విజయవాడ హై వే మీద పడక సీన్ వేసి ఒక రోడ్ షో చేసారని వైసీపీ నేతలు ఆరోపిస్తున్న సంగతి విధితమే.

ఆ ఫోటోను ఒక వైపు పెట్టి నెల రోజుల క్రితం తాను వ్యూహం సినిమాలో అలాటి సీన్ నే ఫోటోగా రిలీజ్ చేశాను అని ఆర్జీవీ అంటున్నారు. అంతే కాదు తన సీన్ ని కాపీ కొట్టినట్లుగానే పవన్ ఫోజు ఉంది అంటూ జనసేన ఫ్యాన్స్ ని ఎక్కడో కెలికారు. ఈ రెండు ఫోటోలు రీల్ అండ్ రియల్ అని ఆర్జీవీ ట్వీట్ చేశారు. వ్యూహం సినిమాలో పవన్ ని పోలిన క్యారెక్టర్ ని ఆయన చూపిస్తున్న సంగతి తెలిసిందే.

మరో వైపు చూస్తే చంద్రబాబు అరెస్ట్ మీద ఎంటీయార్ ఆత్మ సంతోషిస్తుందని కూడా ఆర్జీవీ పేర్కొంటూ అన్న గారి శివతాండవం అని ఎన్టీయార్ డ్యాన్స్ చేస్తున్న వీడియోతో ట్వీట్ చేశారు. ఎస్ ఎన్టీయార్ గారు మీ భావోద్వేగాలను నేను అర్ధం చేసుకోగలను అంటూ దానిలో ఆర్జీవీ పేర్కొనడం విశేషం.

రియల్ పాలిటిక్స్ ని ఆసరాగా చేసుకుని పొలిటికల్ మూవీస్ తీసే ఆర్జీవీకి ఇపుడు ఏపీలో జరుగుతున్న పరిణామాలు అమితంగా ఆకట్టుకుంటున్నాయని చెప్పాలి. ఆయన చంద్రబాబు అరెస్ట్ దానికి ముందు వెనకా పరిణామాల మీద కూడా ఒక స్టోరీ ప్లాన్ చేసి మూవీ తీసినా ఆశ్చర్యం లేదు అని అంటున్నారు. మొత్తానికి అటు పవన్ని ఇటు బాబుని తన ట్వీట్లతో ఫుల్ గా టార్గెట్ చేశారు అని చెప్పాలి.