పీఓకేలో యుద్ధ వాతావరణం.. ప్రజలకు రేషన్ రెడీ చేసుకోమని పాక్ ప్రభుత్వం ఆర్డర్లు!

పహల్గాంలో అమాయక పర్యాటకులను దారుణంగా చంపేసిన ఉగ్రదాడి తర్వాత ఇండియా, పాకిస్తాన్ మధ్య యుద్ధం వస్తుందేమో అనే భయం అందరిలోనూ నెలకొంది. ఆ దెబ్బకు గట్టిగా బదులివ్వాలని ఇండియా కూడా రెడీ అవుతుంది. సైనిక చర్య తీసుకునే ఆలోచనలో ప్రభుత్వం ఉంది. ఈ క్రమంలోనే ఇండియా చాలా స్ట్రాంగ్ డెసిషన్లు తీసుకుంటూ పాకిస్తాన్‌ను ఉక్కిరిబిక్కిరి చేస్తోంది. పహల్గాం ఉగ్రదాడి తర్వాత ఇండియా, పాకిస్తాన్ బోర్డర్‌లో టెన్షన్ వాతావరణం నెలకొంది. ఎల్వోసీ దగ్గర పాక్ సైనికులు పదే పదే కవ్వింపు చర్యలకు దిగుతున్నారు. కుప్వారా, బారాముల్లా, పూంచ్, అక్నూర్, నౌషేరా సెక్టార్లలో పాక్ బలగాలు చేస్తున్న ఆగడాలను ఇండియా ఎప్పటికప్పుడు తిప్పికొడుతోంది. ఇక ఇండియా తమపై యుద్ధానికి వస్తుందనే భయంతో పాకిస్తాన్ ఒకవైపు తన సైన్యాన్ని సిద్ధం చేసుకుంటూనే మరోవైపు అక్కడి ప్రజలకు కూడా కొన్ని ముఖ్యమైన సూచనలు చేస్తోంది.

పాక్ ప్రజలకు ఏం చెప్పారంటే?

పాక్ ఆక్రమిత కాశ్మీర్‌పై ఇండియా దాడి చేస్తుందనే భయంతో పాక్ అక్కడి ప్రజలకు సైనిక శిక్షణ ఇస్తోంది. అంతేకాదు, పీఓకేలో బంకర్లను కూడా రెడీ చేస్తున్నారు. ఏ క్షణమైనా ఇండియా దాడి చేసే అవకాశం ఉందని అక్కడి ప్రజలకు రెండు నెలలకు సరిపడా నిత్యావసర సరుకులు, మందులు సిద్ధం చేసుకోవాలని పాకిస్తాన్ ప్రభుత్వం ఆర్డర్ వేసింది.

మదర్సాలపై దాడి చేస్తారని టెన్షన్

ఇంకా, యుద్ధానికి కూడా రెడీగా ఉండాలని అక్కడి ప్రజలకు చెప్పారు. పాక్ ఆక్రమిత కాశ్మీర్ ఉగ్రవాదుల శిక్షణ శిబిరాలకు అడ్డాగా మారిందని ఇండియా భావిస్తోంది. అందుకే ఆ మదర్సాలపై ఇండియా టార్గెట్ చేస్తుందని పాకిస్తాన్ భయపడుతోంది.

చిన్న పిల్లలకు కూడా ఆయుధ శిక్షణ

పాక్ ఆక్రమిత కాశ్మీర్‌లోని దాదాపు వెయ్యి మదర్సాలను పది రోజుల పాటు మూసేశారు. పీఓకేలో పిల్లలకు కూడా పాకిస్తాన్ ఆయుధ శిక్షణ ఇస్తోంది. ఇది నిజంగా చాలా ఆందోళన కలిగించే విషయం. ఏదేమైనా భయం గుప్పిట్లో ఉన్న పాకిస్తాన్ యుద్ధం వస్తుందనే టెన్షన్‌లో పీఓకేలోని తమ ప్రజలకు కీలక ఆదేశాలు జారీ చేసింది.

పహల్గామ్ ఉగ్రదాడి తర్వాత ఇండియా తీసుకుంటున్న చర్యలు పాకిస్తాన్‌ను బాగా భయపెడుతున్నాయి. తమ భూభాగంపై ఇండియా దాడి చేస్తుందేమో అనే భయంతో అక్కడి ప్రభుత్వం ప్రజలను సిద్ధం చేస్తోంది. రెండు నెలలకు సరిపడా రేషన్ సిద్ధం చేసుకోమని చెప్పడం, బంకర్లు తవ్వించడం, సైనిక శిక్షణ ఇవ్వడం చూస్తుంటే, పాకిస్తాన్ నిజంగానే యుద్ధం వస్తుందని భయపడుతున్నట్లుంది. మరోవైపు, పాక్ ఆక్రమిత కాశ్మీర్‌ను ఉగ్రవాదుల స్థావరంగా ఇండియా భావిస్తోంది. ఒకవేళ ఇండియా సైనిక చర్యకు దిగితే, ఆ ప్రాంతంలోని ఉగ్ర శిబిరాలను టార్గెట్ చేసే అవకాశం ఉంది. అందుకే పాకిస్తాన్ ముందు జాగ్రత్త చర్యలు తీసుకుంటోంది. అయితే, చిన్న పిల్లలకు ఆయుధ శిక్షణ ఇవ్వడం అనేది చాలా ప్రమాదకరమైన విషయం. ఇది ఉగ్రవాదాన్ని మరింత పెంచే అవకాశం ఉంది.