ముద్దు ఎక్కడ పుట్టింది..4500 ఏళ్ల క్రితమే లిప్-లాక్ ట్రెండ్!

ప్రేమించే ప్రతి ఒక్కరూ తమ భాగస్వామిని తప్పకుండా ముద్దు పెట్టుకుంటారు. అయితే ప్రపంచంలో మొదటి ముద్దు ఎవరు పెట్టారో ఎప్పుడైనా ఆలోచించారా? ప్రేమికులు ఒకరినొకరు ముద్దు పెట్టుకోవడం వల్ల ఒకరిపై ఒకరికి నమ్మకం పెరుగుతుంది.ప్రేమ కూడా పెరుగుతుంది. మొదటిసారి ముద్దు ఎవరు పెట్టారు. అది ఎప్పుడు ప్రారంభమైందో చాలా మంది తెలుసుకోవాలనుకుంటున్నారు. దాని గురించి తెలుసుకుందాం.

శృం*గారభరితమైన ముద్దు పాటలు, కవితలు, కథల్లో చాలా కాలంగా వినిపిస్తూనే ఉంది. కళ, సినిమాల్లో కూడా దీనిని చూపిస్తారు. అయితే మొదటిసారి ముద్దు ఎప్పుడు, ఎవరు పెట్టారో ఖచ్చితమైన సమాచారం లేదు. పత్రాల ప్రకారం ముద్దు చరిత్ర 1000 సంవత్సరాల క్రితం నాటిది, అయితే పరిశోధకుల ప్రకారం ప్రాచీన మధ్యప్రాచ్యంలో 4500 సంవత్సరాల క్రితమే పెదవుల ముద్దు సాధారణంగా ఉండేదని చెబుతున్నారు.

మొదటి ముద్దు గురించి వేర్వేరు వాదనలు ఉన్నాయి. కోపెన్‌హాగన్ విశ్వవిద్యాలయం, ఆక్స్‌ఫర్డ్ విశ్వవిద్యాలయం ప్రకారం దీని ప్రారంభం చాలా కాలం క్రితం మెసొపొటేమియాలో జరిగింది. మెసొపొటేమియా నుండి లభించిన వేలాది మట్టి పలకలు నేటికీ ఉన్నాయి. వీటిలో ముద్దు ప్రస్తావనతో ప్రాచీన ప్రపంచంలో శృంగారభరితమైన సాన్నిహిత్యం చూపబడింది.

శాస్త్రవేత్తలు ముద్దు సంబంధాన్ని మెసొపొటేమియాతో ముడిపెట్టి ఉండవచ్చు. అయితే భారతదేశంలో 3500 సంవత్సరాల నాటి చేతివ్రాతల ప్రకారం పెదవుల ముద్దు ప్రారంభం ప్రాచీన మధ్యప్రాచ్యం, భారతదేశంలో జరిగింది. భారతదేశంలో పూర్వం భాగస్వామికి ప్రపోజ్ చేయడానికి ముద్దు ఉపయోగించేవారని వీటి ద్వారా తెలుస్తుంది. తరువాత దీనిని ఆచారాలతో ముడిపెట్టారు. అయితే మెసొపొటేమియాలో లభించిన ఆధారాలు ఈ విషయాన్ని సమర్థించవు. ప్రపంచంలోని వివిధ ప్రాంతాల్లో ముద్దు పుట్టిందని నివేదికలు చెబుతున్నాయి. అయితే ఇది మొదట ఎక్కడ ప్రారంభమైందో ఖచ్చితంగా చెప్పడం కష్టం.