ఉగ్రవాది మసూద్ అజార్ కు 14 కోట్ల పరిహారం? పాక్ బుద్ది ఇక మారదా?

భారత్ నిర్వహించిన 'ఆపరేషన్ సింధూర్' దాడుల్లో పాకిస్తాన్‌లోని ఉగ్రవాద స్థావరాలు ధ్వంసం కావడంతో పాటు, జైషే మహమ్మద్ అధినేత మసూద్ అజార్ కుటుంబ సభ్యులు మరణించినట్లు వార్తలు వస్తున్నాయి. ఈ నేపథ్యంలో, మరణించిన వారి కుటుంబాలకు పాకిస్తాన్ ప్రభుత్వం నష్టపరిహారం ఇవ్వనున్నట్లు వచ్చిన వార్తలు, ముఖ్యంగా మసూద్ అజార్‌కు రూ. 14 కోట్ల పరిహారం అందిస్తోందన్న వార్తలు చూసి ప్రపంచదేశాలు, భారతీయుల మండిపడుతున్నారు. ఉగ్రవాదులను పాకిస్తాన్ పెంచి పోషిస్తోందనడానికి ఇదే కారణమని తిట్టిపోస్తున్నారు. పాకిస్తాన్ బుద్ది ఇక మారదు అంటూ దుమ్మెత్తిపోస్తున్నారు.

-ఆపరేషన్ సింధూర్: ఉగ్రవాద స్థావరాలపై భారత దాడులు

ఇటీవల భారత్ 'ఆపరేషన్ సింధూర్' పేరుతో పాకిస్తాన్, పాక్ ఆక్రమిత కాశ్మీర్ (PoK)లోని ఉగ్రవాద స్థావరాలపై మెరుపు దాడులు నిర్వహించినట్లు భారత సైన్యం ప్రకటించింది. ముఖ్యంగా పూంచ్ జిల్లాలోని పహల్గామ్ వద్ద అమాయక యాత్రికులపై జరిగిన ఉగ్రదాడికి ప్రతీకారంగా ఈ చర్యలు తీసుకున్నట్లు తెలిపింది. ఈ దాడుల్లో జైషే మహమ్మద్ , లష్కర్-ఎ-తైబా వంటి ఉగ్రవాద సంస్థలకు చెందిన శిబిరాలు ధ్వంసమైనట్లు భారత వర్గాలు వెల్లడించాయి. ఈ దాడుల్లో పాకిస్తాన్‌లోని బహవల్పూర్‌లో ఉన్న జైషే మహమ్మద్ ప్రధాన కార్యాలయం, దీనిని జామియా మజ్జీద్ సుభాన్ అల్లా లేదా ఉస్మాన్ ఓ అలీ క్యాంపస్ అని కూడా పిలుస్తారు, తీవ్రంగా దెబ్బతిన్నట్లు వార్తలు వచ్చాయి.

- మసూద్ అజార్ కుటుంబ సభ్యుల మరణంపై ప్రకటనలు

బహవల్పూర్‌లోని జైషే మహమ్మద్ స్థావరంపై జరిగిన దాడుల్లో మసూద్ అజార్ కుటుంబానికి చెందిన 10 నుండి 14 మంది సభ్యులు.. సన్నిహితులు మరణించినట్లు జైషే మహమ్మద్ అధినేత మసూద్ అజార్ స్వయంగా అంగీకరించినట్లు అనేక వార్తా సంస్థలు పేర్కొన్నాయి. మరణించిన వారిలో తన సోదరి, ఆమె భర్త, మేనల్లుడు , అతని భార్య, మరదలు, ఐదుగురు చిన్నారులు ఉన్నట్లు అజార్ పేర్కొన్నట్లు ఆ వార్తల్లో ఉంది. ఈ దాడుల్లో తాను మాత్రమే ప్రాణాలతో బయటపడినట్లు ఆయన చెప్పినట్లు తెలుస్తోంది.

-పాకిస్తాన్ నష్టపరిహారం.. మసూద్ అజార్ ప్రచారం

భారత దాడుల్లో మరణించిన వారి కుటుంబాలకు నష్టపరిహారం అందజేస్తామని పాకిస్తాన్ ప్రభుత్వం ప్రకటించినట్లు సమాచారం. పాకిస్తాన్ ప్రధానమంత్రి షెహబాజ్ షరీఫ్ ఈ దాడుల్లో పౌరులు మరణించడంపై సంతాపం వ్యక్తం చేసినట్లు కూడా వార్తలు వచ్చాయి. అయితే, పాకిస్తాన్ ప్రధానమంత్రి కార్యాలయం విడుదల చేసినట్లు చెబుతున్న పత్రికా ప్రకటనలో, మరణించిన వారి కుటుంబాలకు కోటి రూపాయల నష్టపరిహారం అందజేస్తామని, ఈ నేపథ్యంలో మసూద్ అజార్‌కు అతని కుటుంబంలో మరణించిన 14 మందికి కలిపి మొత్తం 14 కోట్ల రూపాయలు దక్కే అవకాశం ఉంది. ముఖ్యంగా, మసూద్ అజార్ కుటుంబ సభ్యుల మరణానికి ప్రత్యేకంగా 14 కోట్ల రూపాయల నష్టపరిహారం ఇవ్వనున్నట్లు పాకిస్తాన్ ప్రభుత్వం అధికారికంగా ప్రకటించడం సంచలనమైంది. ఉగ్రవాదులను పాక్ ఏ విధంగా పెంచిపోషిస్తోందో అర్థమవుతోంది.

భారత్ 'ఆపరేషన్ సింధూర్' నిర్వహించి ఉగ్రవాద స్థావరాలను లక్ష్యంగా చేసుకున్నట్లు, బహవల్పూర్‌లోని జైషే మహమ్మద్ ప్రధాన కార్యాలయంపై దాడి జరిగినట్లు, ఆ దాడిలో మసూద్ అజార్ కుటుంబ సభ్యులు మరణించినట్లు వార్తలు నిర్ధారిస్తున్నాయి. పాకిస్తాన్ ప్రభుత్వం భారత దాడుల్లో మరణించిన వారికి నష్టపరిహారం ప్రకటించింది. అయితే మసూద్ అజార్‌కు ప్రత్యేకంగా 14 కోట్ల రూపాయల నష్టపరిహారం మంజూరు చేయడం సంచలనమైంది. పాక్ ఉగ్రవాదులు వేరు కాదన్న వాస్తవం మరోసారి నిజమైంది.