దేశంలోనే ఖరీదైన ఫ్లాట్.. ధర రూ.639 కోట్లు.. ఎక్కడంటే?

భారత రియల్ ఎస్టేట్ మార్కెట్ స్థిరంగా వృద్ధి చెందుతోంది. హైదరాబాద్, ముంబై, బెంగళూరు వంటి మెట్రో నగరాలు మార్కెట్ విలువలో గణనీయమైన వృద్ధిని నమోదు చేస్తున్నాయి. ఈ నేపథ్యంలో, దేశ ఆర్థిక రాజధాని ముంబైలో భారతదేశంలోనే అతిపెద్ద రెసిడెన్షియల్ రియల్ ఎస్టేట్ డీల్ పూర్తయింది.

భారతదేశానికి చెందిన బహుళజాతి ఫార్మాస్యూటికల్ కంపెనీ USV ప్రైవేట్ ఛైర్‌పర్సన్ లీనా గాంధీ తివారీ, ముంబైలోని వర్లిలో అత్యంత ఖరీదైన డ్యూప్లెక్స్ అపార్ట్‌మెంట్‌ను కొనుగోలు చేశారు. ఈ ఆస్తి శ్రీ నమన్ రెసిడెన్సీ ప్రాజెక్ట్, నమన్ జానాలో భాగంగా ఉంది. ఇది వర్లిలో నిర్మాణంలో ఉన్న సముద్రం ఎదురుగా ఉన్న ప్రాజెక్ట్.

లీనా ఈ ఆస్తిలో రెండు ప్లాట్లను (డ్యూప్లెక్స్) రూ. 639 కోట్లకు కొనుగోలు చేసినట్లు సమాచారం. ఇది 22,572 చదరపు అడుగుల ఫ్లాట్, ఇది చదరపు అడుగుకు రూ. 2.83 లక్షల ధరను సూచిస్తుంది.

ఈ డ్యూప్లెక్స్ ఫ్లాట్ సముద్రానికి ఎదురుగా ఉండటం, , ఈ ప్రాజెక్ట్ ముంబైలోనే కాకుండా దేశవ్యాప్తంగా అత్యంత విలాసవంతమైన ప్రాజెక్ట్‌లలో ఒకటిగా నిలుస్తుందని అంచనా వేస్తున్నారు.

ఇది భారత రియల్ ఎస్టేట్ చరిత్రలోనే అత్యంత ఖరీదైన అపార్ట్‌మెంట్. హైదరాబాద్ వంటి మెట్రో నగరంలో సాధారణంగా చదరపు అడుగుకు రూ. 10,000 సగటుగా పరిగణించబడే చోట, ముంబైలోని ఈ ఫ్లాట్ షాకింగ్ గా రూ. 2.83 లక్షలకు విక్రయమైంది.

లీనా ఒక బిలియనీర్, ఆమె ఆస్తి విలువ సుమారు రూ. 3.9 బిలియన్లు. కాబట్టి, ఆమె వద్ద ఉన్న విస్తారమైన ఆర్థిక వనరులను బట్టి చూస్తే ముంబైలో జరిగిన ఈ మెగా రియల్ ఎస్టేట్ డీల్ ఆమెకు పెద్ద విషయమేమీ కాదు.