బెడిసికొట్టిన భార్య తెలివి తేటలు..విడాకుల కేసులో కోర్టు లక్షల జరిమానా

కొన్నిసార్లు అతి తెలివి తేటలు పనికిరావు. అవి మనకే రివర్స్ లో ప్రమాదకరంగా మారతాయి.సరిగ్గా అలానే ఒక భార్య తన విడాకుల కేసులో బాగా తెలివిగా ఉండాలని చూసింది. కానీ అది ఆమెకే తిరిగి దెబ్బ కొట్టింది. తన భర్త పరువు తీసినందుకు ఆమె ఏకంగా లక్ష రూపాయలు జరిమానా కట్టాల్సి వచ్చింది. కలకత్తా హైకోర్టు ఆమె భర్తకు జరిగిన పరువు నష్టం కోసం ఈ డబ్బులు చెల్లించాలని ఆర్డర్ వేసింది.

ఆమె చేసిన పని ఏంటంటే, తన భర్త గురించి ఒక న్యూస్‌పేపర్‌లో రెండు చెడు విషయాలు పేర్కొంది. ఆమె భర్త గవర్నమెంట్ ఆఫీస్‌లో అసిస్టెంట్‌గా పనిచేస్తున్నాడు. వాళ్ళిద్దరి విడాకుల కేసు ఇంకా కోర్టులో నడుస్తుండగానే, అతను ఇంకో అమ్మాయిని పెళ్లి చేసుకోబోతున్నాడని ఆ పబ్లిక్ నోటీసులో చెప్పింది. కానీ అది నిజం కాదని, అదంతా అబద్ధపు కథ అని విడాకులు అయ్యే వరకు మళ్లీ పెళ్లి చేసుకునే ఆలోచన తనకు లేదని భర్త కోర్టులో చెప్పాడు.

తన భర్త రెండో పెళ్లి గురించి నీకు ఎలా తెలుసు అని కోర్టు ఆ భార్యను అడిగినప్పుడు, ఒక నమ్మకమైన వ్యక్తి చెప్పాడని తప్ప ఆమె ఇంకేం చెప్పలేకపోయింది. కానీ ఆ నమ్మకమైన వ్యక్తి ఎవరో కోర్టుకు చెప్పలేకపోయింది.. చూపించలేకపోయింది. అంతేకాదు తన భర్త ఎవరిని పెళ్లి చేసుకోబోతున్నాడని ఆమె ఆరోపించిందో ఆ అమ్మాయి పేరు కూడా చెప్పలేకపోయింది. దీంతో ఆ భార్య తన భర్త పరువు తీసిందని కోర్టు నమ్మింది. అందుకే ఆమె మూడు నెలల్లో లక్ష రూపాయలు చెల్లించాలని కోర్టు ఆర్డర్‌లో కొంచెం మార్పు చేసింది.

భార్యాభర్తల విడాకుల కేసు అనేది వాళ్ళిద్దరి వ్యక్తిగత విషయం. ఒక రూల్ ప్రకారం, ఇద్దరూ మీడియాలో ఏమీ రాయకూడదు. పబ్లిష్ చేయకూడదు. కానీ ఈ ఆర్డర్‌తో, కలకత్తా హైకోర్టు భార్య కానీ భర్త కానీ ఒకరినొకరు మీడియాలో చెడ్డగా చూపించకుండా ఉండేలా ఒక వాతావరణం క్రియేట్ చేసింది. ఇది విడాకుల కేసుల్లో అనవసరమైన పబ్లిసిటీకి అడ్డుకట్ట వేసే ప్రయత్నంలా ఉంది.