కార్గిల్ విజయ్ దివస్ 2025: 1999 యుద్ధంలో ఎవరికీ తెలియని నిజాలు

ప్రతి సంవత్సరం జూలై 26న మనం కార్గిల్ విజయ్ దివస్‌ను గౌరవంతో పాటిస్తూ 1999లో భారత సైన్యం కార్గిల్ పర్వతాలపై తిరిగి జెండా ఎగరేసిన దినాన్ని స్మరించుకుంటాం. 2025లో ఈ యుద్ధానికి 26 ఏళ్లు పూర్తవుతున్న వేళ ఇప్పటికీ ప్రజలకు తెలియని ఎన్నో నిజాలు వెలుగులోకి వస్తున్నాయి.. ప్రత్యేకంగా పాకిస్తాన్ మోసం, భారత జవానుల త్యాగం, ఇజ్రాయెల్ అందించిన కీలక మద్దతు గురించి తెలుసుకుందాం.

మోసంతో కూడిన పాకిస్తాన్ కుట్ర

1999లో కార్గిల్ యుద్ధం సాధారణ సరిహద్దు ఘర్షణ కాదు. ఇది మైత్రి పేరుతో వెనుక నుండి దాడి చేసిన కుట్ర. నాటి ప్రధానమంత్రి అటల్ బిహారీ వాజ్‌పేయి గారు స్వయంగా లాహోర్‌కు బస్సులో వెళ్లి పాకిస్తాన్‌తో శాంతి ఒప్పందం (లాహోర్ డిక్లరేషన్) చేసారు. కానీ అదే సమయంలో పాకిస్తాన్ ఆర్మీ చీఫ్ జనరల్ పర్వేజ్ ముషారఫ్ భారత్‌లోకి చొరబడి కీలక శిఖరాలపై పట్టు సాధించే కుట్రను ఆపరేషన్ బద్ర్ పేరుతో ప్రారంభించారు. ఈ దాడికి పాకిస్తాన్ యొక్క సివిలియన్ ప్రభుత్వం కూడా పూర్తిగా అజ్ఞాతంగా ఉండటం మరో ఆశ్చర్యకరం. ఇది కేవలం సైనిక దాడి కాదు, శాంతి పిలుపును పాకిస్తాన్ తాకట్టు పెట్టిన మోసం.

భారత జవానుల వీరత్వం.. ఆపరేషన్ విజయ్

పాకిస్తాన్ ఆక్రమణకు భారత సైన్యం సమర్థంగా ప్రతిస్పందించింది. 1999 మే నుండి ప్రారంభమైన ఆపరేషన్ విజయ్ ద్వారా కార్గిల్ ప్రాంతంలోని అన్ని కీలక శిఖరాలను తిరిగి స్వాధీనం చేసుకుంది. దాదాపు 527 మంది జవానులు వీర మరణం పొందారు. 13 జమ్ము & కాశ్మీర్ రైఫిల్స్, 18 గ్రెనేడియర్స్, రాజ్‌పుతానా రైఫిల్స్ వంటి బలగాలు చరిత్ర సృష్టించాయి. కెప్టెన్ విక్రమ్ బాత్రా, లెఫ్టినెంట్ మనోజ్ పాండే, గ్రెనేడియర్ యోగేంద్ర సింగ్ యాదవ్, రైఫిల్మన్ సంజయ్ కుమార్ వంటి వీరులు జీవితాంతం గుర్తుండిపోయే హీరోలుగా మారారు. జూలై 26, 1999న భారత జెండా కార్గిల్ పర్వతాలపై మళ్లీ ఎగరడంతో యుద్ధం ముగిసింది.

ఇజ్రాయెల్ గుప్త మద్దతు.. సాయం

ఒక అపురూపమైన నిజం ఏమిటంటే ఈ యుద్ధ సమయంలో భారత్‌కు ఇజ్రాయెల్ నుండి కీలక సాయం అందింది. అందరూ తెరవెనుక ఉన్న సమయంలో ఇజ్రాయెల్ మౌనంగా కానీ శక్తివంతంగా మద్దతు ఇచ్చింది.లేజర్ గైడెడ్ బాంబులు ఇండియన్ ఎయిర్ ఫోర్స్ యొక్క మిరేజ్ 2000 యుద్ధ విమానాలకు అందించింది. గుప్తంగా ఇంటెలిజెన్స్, డ్రోన్లు, కమ్యూనికేషన్ టెక్నాలజీ సహాయం చేసింది. పాకిస్తాన్ ఆక్రమించిన శిఖరాలపై ఖచ్చితంగా దాడి చేయడానికి ఇజ్రాయెల్ సాంకేతిక పరిజ్ఞానం అమూల్యంగా నిలిచింది.ఇప్పుడు ఇది మిత్ర దేశంగా బహిరంగంగా ఉన్నా, అప్పట్లో ఈ మద్దతు చాలా నిశ్శబ్దంగానే చేసింది.. కానీ అత్యంత కీలకంగా నిలిచింది.

కార్గిల్ యుద్ధం మాకు నేర్పిన పాఠాలు

కార్గిల్ యుద్ధం నుండి మనం నేర్చుకోవాల్సిన పాఠాలు ఎన్నో ఉన్నాయి. శాంతి చర్చలు ప్రారంభం అనేది జాగ్రత్తను విస్మరించడం కాదు. సరిహద్దుల భద్రత, ఇంటెలిజెన్స్ శాశ్వతంగా కీలకం. నమ్మకంగా కనిపించిన వారు మోసం చేయగలగడం ఎప్పుడూ ఓ అవకాశమే. యదార్థ మిత్రులు సంక్షోభ సమయంలో తెలుస్తారు.. ఇజ్రాయెల్ అందుకు ఉదాహరణగా నిలిచింది.

2025లో కార్గిల్ విజయ్ దివస్ ఎందుకు మరింత ముఖ్యమైనది?

ఈరోజు ప్రపంచం వేగంగా మారిపోతున్న వేళ టెర్రరిజం, సైబర్ వార్, దౌత్యకుటిలతల మధ్య మనకు కార్గిల్ యుద్ధం గుర్తుచేసేది భద్రతా అవసరం, జవానుల త్యాగం, నిజమైన మిత్రుల విలువ. ఈ కార్గిల్ విజయ్ దివస్ 2025లో మనం కేవలం వీరజవానులను గౌరవించడమే కాదు… నిజాల‌ను గుర్తు చేసుకోవాలి, మోసాల‌ను మర్చిపోకూడదు, దేశ భద్రతపై అప్రమత్తంగా ఉండాలి.