భార్య చేతుల్లో జీతం..! ఓ ఆసక్తికర ఆచారం

ప్రపంచవ్యాప్తంగా ఎన్నో విభిన్నమైన ఆచారాలు, సంప్రదాయాలు ఉన్నాయి. వాటిలో జపాన్‌కు చెందిన ఒక ప్రత్యేకమైన ఆచారం అందరి దృష్టిని ఆకర్షిస్తుంది. అదే "ఓరోజుకై" అని పిలిచే ఆచారం. దీని ప్రకారం జపాన్‌లో చాలామంది భర్తలు తమ మొత్తం సంపాదనను నేరుగా తమ భార్యలకు అప్పగిస్తారు. ఈ పద్ధతిలో కుటుంబ ఆర్థిక వ్యవహారాలన్నీ భార్యల ఆధ్వర్యంలోనే జరుగుతాయి.

ఈ ఆచారం వల్ల జపాన్‌లోని గృహిణులకు కుటుంబ ఆర్థిక వ్యవస్థపై పూర్తి నియంత్రణ ఉంటుంది. భర్తలు తమ జీతం అందిన వెంటనే ఎటువంటి ఆలస్యం లేకుండా మొత్తాన్ని భార్యలకు అందజేస్తారు. భార్యలు ఆ డబ్బును ఇంటి అవసరాలు, పిల్లల చదువులు, రోజువారీ ఖర్చులు, పొదుపు వంటి అన్ని విషయాలను జాగ్రత్తగా నిర్వహిస్తారు. అంతేకాకుండా, భర్తల వ్యక్తిగత అవసరాల కోసం "పాకెట్ మనీ" పేరుతో కొంత డబ్బును కూడా ఇస్తారు.

ఆర్థిక నిపుణుల అభిప్రాయం ప్రకారం.. ఈ విధానం వల్ల కుటుంబ ఆర్థిక స్థితి మరింత మెరుగుపడుతుంది. అనవసరమైన ఖర్చులు తగ్గి, క్రమశిక్షణతో కూడిన ఆర్థిక నిర్వహణ సాధ్యమవుతుంది. అయితే, ప్రస్తుత కాలంలో భార్యాభర్తలు ఇద్దరూ ఉద్యోగాలు చేస్తున్నందున, ఈ పద్ధతి కొంతమేర తగ్గుముఖం పడుతోందని స్థానికులు చెబుతున్నారు.

భార్యకు కుటుంబ ఆర్థిక వ్యవహారాలపై పూర్తి బాధ్యత అప్పగించిన జపనీయుల ఈ ఆలోచన ప్రపంచ దేశాలకు ఒక ఆదర్శంగా నిలుస్తుందని చెప్పొచ్చు. భార్యను "గృహలక్ష్మి"గా గుర్తించి, వారికి ఆర్థిక స్వాతంత్ర్యాన్ని ఇచ్చిన ఈ ఆచారం నిజంగానే ప్రత్యేకమైనది.

సాంకేతిక అభివృద్ధి, మహిళలకు పెరుగుతున్న ఉపాధి అవకాశాలు ఉన్నప్పటికీ, కుటుంబాన్ని సమర్థవంతంగా నడిపించే జపాన్ పద్ధతి కుటుంబ ఆర్థిక నిర్వహణలో ఒక విలువైన మార్గదర్శకంగా కొనసాగుతుంది.