Begin typing your search above and press return to search.

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

UNFPA నివేదిక ప్రకారం 2026 నాటికి భారత్ జనాభా 147.66 కోట్లకు చేరింది. రాబోయే 40 ఏళ్లలో 170 కోట్లకు పెరిగి, ఆ తర్వాత తగ్గే అవకాశం ఉందని అంచనా వేసింది. దేశ జనాభాలో 10–24 ఏళ్ల యువత 26 శాతం, 15–64 ఏళ్ల వయసువారు 69 శాతంగా ఉన్నారు. భారత పురుషుల సగటు ఆయుర్దాయం 71 ఏళ్లు కాగా, మహిళలకు 74 ఏళ్లుగా నమోదైంది.

By:  Tupaki Desk   |   20 Nov 2026 10:38 AM IST
147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?
X

ప్రపంచంలో అత్యధిక జనాభా ఉన్న దేశంగా భారత్ తన స్థానాన్ని కొనసాగిస్తోంది. 2026 నాటికి దేశ జనాభా 147.66 కోట్లకు చేరినట్లు ఐక్యరాజ్యసమితి జనాభా నిధి (UNFPA) అంచనా వేసింది. తాజాగా విడుదల చేసిన నివేదికలో ఈ వివరాలను వెల్లడించింది.

భారత్ జనాభా ఇక్కడితో ఆగేలా లేదు. రాబోయే 40 ఏళ్లలో ఈ సంఖ్య 170 కోట్లకు చేరవచ్చని UNFPA అంచనా వేసింది. ఆ తర్వాత జనాభా క్రమంగా తగ్గే అవకాశం ఉందని తెలిపింది.

దేశ జనాభాలో యువత వాటా కూడా గణనీయంగానే ఉంది. 10 నుంచి 24 ఏళ్ల మధ్య వయసున్నవారు మొత్తం జనాభాలో 26 శాతంగా ఉన్నారు. అంటే దేశంలో ప్రతి నలుగురిలో ఒకరు ఈ వయసు పరిధిలోనే ఉన్నారు. ఇక 15 నుంచి 64 ఏళ్ల మధ్య వయసున్నవారి వాటా 69 శాతంగా ఉంది.

జనాభా విషయంలో రాష్ట్రాల మధ్య కూడా తేడాలు కనిపిస్తున్నాయి. ఉత్తరప్రదేశ్‌లో సంతానోత్పత్తి రేటు ఎక్కువగా ఉండగా, దక్షిణాది రాష్ట్రాల్లో అది తక్కువగా నమోదవుతోంది.

ఆయుర్దాయం విషయంలోనూ మహిళలు ముందున్నారు. భారత పురుషుల సగటు ఆయుర్దాయం 71 ఏళ్లు కాగా, మహిళల ఆయుర్దాయం 74 ఏళ్లుగా ఉందని నివేదిక పేర్కొంది.