దేశంలో సె*క్స్ వర్కర్లు అత్యధికంగా ఉన్న రాష్ట్రాలు ఇవే.. ఆందోళన రేపుతున్న సర్వే ఫలితాలు

ప్రపంచంలోనే అత్యధిక జనాభా కలిగిన దేశంగా భారత్ (India) అవతరించింది. అయితే, ఇదే సమయంలో హెచ్‌ఐవీ (HIV) బాధితుల సంఖ్యలో ప్రపంచంలోనే మూడో స్థానంలో ఉండటం ఆందోళన కలిగిస్తోంది. దేశవ్యాప్తంగా 2.3 మిలియన్ల మంది హెచ్‌ఐవీతో బాధపడుతుండగా, ఈ సంఖ్యను తగ్గించడానికి ప్రభుత్వం తీవ్రంగా ప్రయత్నిస్తోంది. ఈ నేపథ్యంలో ఇటీవల నిర్వహించిన ఒక సర్వే (Programmatic Mapping and Population Size Estimation - PMPSE) లో షాకింగ్ విషయాలు వెలుగులోకి వచ్చాయి. దేశంలో అత్యధిక సంఖ్యలో మహిళా సె*క్స్ వర్కర్లు ఉన్న రాష్ట్రాల జాబితాలో ఆంధ్రప్రదేశ్ (Andhra Pradesh), తెలంగాణ (Telangana) అగ్రస్థానంలో నిలిచాయి.

దేశవ్యాప్తంగా మొత్తం 9,95,499 మంది సె*క్స్ వర్కర్లు ఉన్నట్లు అంచనా. ఈ జాబితాలో దక్షిణాది రాష్ట్రాలు ముందు వరుసలో ఉన్నాయి. దేశంలోని మొత్తం మహిళా సె*క్స్ వర్కర్లలో 15.4 శాతం కర్ణాటకలో (Karnataka) ఉన్నారు. ఆంధ్రప్రదేశ్‌లో 12 శాతం మంది సె*క్స్ వర్కర్లు ఉండగా, తెలంగాణలో 7.6 శాతం మంది ఉన్నారు. అంటే, దేశంలోని మొత్తం మహిళా సె*క్స్ వర్కర్లలో దాదాపు 20 శాతం మంది తెలుగు రాష్ట్రాలకు చెందినవారే కావడం గమనార్హం. మహారాష్ట్ర (Maharashtra - 9.6 శాతం), ఢిల్లీ (Delhi - 8.9 శాతం) లలో కూడా అధిక సంఖ్యలో సెక్స్ వర్కర్లు ఉన్నారని సర్వే తెలిపింది. దేశంలోని మహిళా సెక్స్ వర్కర్లలో 53 శాతం మంది ఈ ఐదు రాష్ట్రాల నుండే కావడం ఆందోళన కలిగిస్తోంది.

PLOS గ్లోబల్ హెల్త్ (PLOS Global Health)లో ప్రచురించబడిన ఒక అధ్యయనం ప్రకారం.. దేశంలోని 32 రాష్ట్రాలు, అన్ని కేంద్రపాలిత ప్రాంతాలలో ఈ సర్వే నిర్వహించారు. నేషనల్ ఎయిడ్స్ కంట్రోల్ సొసైటీకి (National AIDS Control Society - NACO) చెందిన ప్రదీప్ కుమార్ (Pradeep Kumar) నేతృత్వంలోని బృందం ఈ సర్వేను నిర్వహించింది. ఈ సర్వేలో భాగంగా, దేశవ్యాప్తంగా 642 జిల్లాల్లో మహిళా సె*క్స్ వర్కర్లు ఉన్న 43,579 హాట్‌స్పాట్‌లను గుర్తించారు. వీటిలో 34 హాట్‌స్పాట్‌లు 5 వేల మందికి పైగా మహిళా సె*క్స్ వర్కర్లు ఉన్న ప్రాంతాలుగా గుర్తించారు. ముఖ్యంగా, ఆంధ్రప్రదేశ్‌లో ఐదు జిల్లాలు, తెలంగాణలో ఆరు జిల్లాలు ఇలాంటి హాట్‌స్పాట్‌లను కలిగి ఉన్నాయి. మొత్తం 16,095 గ్రామాలలో మహిళా సె*క్స్ వర్కర్లు ఉన్నట్లు గుర్తించారు.

హాట్‌స్పాట్‌లలో అత్యధిక సంఖ్యలో మహిళా సె*క్స్ వర్కర్లు ఉన్న రాష్ట్రాల జాబితాలో తెలంగాణ అగ్రస్థానంలో ఉంది. జాతీయ సగటున ప్రతి హాట్‌స్పాట్‌లో కేవలం 8 మంది మహిళా సె*క్స్ వర్కర్లు మాత్రమే ఉండగా, తెలంగాణలో ప్రతి హాట్‌స్పాట్‌లో 38 మంది, ఆంధ్రప్రదేశ్‌లో 29 మంది ఉన్నట్లు తేలింది.

ఈ హాట్‌స్పాట్‌లలో 55.1 శాతం మంది రహస్యంగా ఇంట్లోనే ఈ పని చేస్తున్నట్లు కనుగొన్నారు. మొత్తం మహిళా సె*క్స్ వర్కర్లలో 14 శాతం మంది 10,718 నెట్‌వర్క్ ఆపరేటర్ల ద్వారా పనిచేస్తున్నారు. తెలంగాణలో 568 నెట్‌వర్క్ ఆపరేటర్లు ఉన్నారు. ఇది దేశంలోనే అత్యధికం. 9 శాతం మంది లింక్ వర్కర్ స్కీమ్ (Link Worker Scheme) గ్రామాల ద్వారా పనిచేస్తున్నారు. ఆంధ్రప్రదేశ్‌లో సగటున 10 మంది మహిళా సె*క్స్ వర్కర్లు ఈ పథకం గ్రామాలలో మాత్రమే పనిచేస్తున్నట్లు కనుగొన్నారు. తెలంగాణలో ఈ సంఖ్య 8.

తెలంగాణలో ప్రతి హాట్‌స్పాట్‌లో 25 మంది ట్రాన్స్‌జెండర్లు (transgenders) ఉన్నారని సర్వే తెలిపింది. ఇది కూడా దేశంలోనే అగ్రస్థానం. దీని తర్వాత ఢిల్లీలో 24, గుజరాత్‌లో 21, మహారాష్ట్రలో 20 మంది ఉన్నారు. దేశవ్యాప్తంగా సె*క్స్ వర్కర్లుగా పనిచేస్తున్న 96,193 మంది ట్రాన్స్‌జెండర్లలో 90.8 శాతం మంది హాట్‌స్పాట్‌లలో ఉన్నట్లు సర్వే వెల్లడించింది. పురుష సె*క్స్ వర్కర్ల జాబితాలో కూడా తెలంగాణ అగ్రస్థానంలో ఉంది. ప్రతి హాట్‌స్పాట్‌లో 50 మంది పురుష సె*క్స్ వర్కర్లు ఉండగా, ఢిల్లీలో 29, గోవాలో 27 మంది ఉన్నారు. ఆంధ్రప్రదేశ్‌లో పురుష సె*క్స్ వర్కర్ల జనాభాలో 6.3 శాతం మంది ఉన్నారు. తెలంగాణలో ఈ సంఖ్య తక్కువగా ఉన్నప్పటికీ, హాట్‌స్పాట్‌లలో పురుష సె*క్స్ వర్కర్ల సంఖ్య ఎక్కువగా ఉండటం ఆందోళన కలిగించే విషయం.