సెల్యూట్... అమెరికాలోని భారత సంతతి పోలీస్‌ కు అరుదైన గౌరవం!

అగ్రరాజ్యం అమెరికాలో భారత సంతతికి చెందిన పోలీస్ అధికారికి అరుదైన గౌరవం దక్కింది. ఆయన అందించిన సేవలకు గానూ ఒక రహదారికి ఆయన పేరును పెట్టి గౌరవించింది. దీంతో ఈ విషయం వైరల్ గా మారింది. ఇదే సమయంలో ఆ పోలీస్ అధికారి ఎవరు.. ఇంత అరుదైన గౌరవం ఎందుకు ఇచ్చారు అనే సెర్చ్ ఆన్ లైన్ వేదికగా స్టార్ట్ అయ్యింది. ఆ వివరాలు ఇప్పుడు చూద్దాం!

అవును... అమెరికాలో భారత సంతతికి చెందిన ఒక పోలీస్ అధికారి పేరును ఒక రహదారికి పెట్టింది అక్కడి ప్రభుత్వం. ఈ అరుదైన గౌరవం దక్కించుకున్న వ్యక్తి పేరు రోనిల్‌ సింగ్‌! ఆయన న్యూమాన్‌ పోలీస్‌ డిపార్ట్‌మెంట్‌ లో పోలీస్‌ అధికారిగా విధులు నిర్వహించారు. ఈ క్రమంలో ప్రాణాలు కోల్పోయారు!!

వివరాళ్లోకి వెళ్తే... అమెరికాలోని కాలిఫోర్నియాలో రోనిల్‌ సింగ్‌ (34) అనే భారత సంతతి వ్యక్తి న్యూమాన్‌ పోలీస్‌ డిపార్ట్‌మెంట్‌ లో పోలీస్‌ అధికారిగా విధులు నిర్వర్తిస్తున్నాడు. ఇందులో భాగంగా 2018 డిసెంబర్‌ 26న క్రిస్మస్‌ రాత్రి ఓ రహదారి వద్ద గస్తీ డ్యూటీ చేస్తున్నారు. ఇంతలో దారుణం చోటు చేసుకుంది.

ఆ రాత్రి రోనిల్ సింగ్ ఓవర్ టైం డ్యూటీ చేస్తున్నారు. సరిగ్గా అదే సమయంలో ఓ వ్యక్తి కారులో తాగుతూ వచ్చాడు. తాగుడు మైకంలో విచక్షణరహితంగా కాల్పులు జరుపుతున్నాడు. దీంతో ఆ సమయంలో డ్యూటీలో ఉన్న రోనిల్ సింగ్ తూటాలకు బలయ్యారు.

ఈ దారుణ ఘటన అనంతరం విధినిర్వహణలో ప్రాణాలు కోల్పోయిన ఈ అధికారిని గౌరవించేలా, భావితరాలకు గుర్తుండేలా ఒక కీలక నిర్ణయం తీసుకోవాలని అనుకున్నారు. ఇందులో భాగంగా ఒక రహదారికి అతని పేరు పెట్టి అంకితం ఇవ్వాలని నిర్ణయించారు. అయితే ఆ నిర్ణయం ప్రొలాంగ్ అవుతూ వచ్చింది.

ఈ క్రమంలో తాజాగా ఆ నిర్ణయం అమలుకి నోచుకుంది. ఇందులో భాగంగా కాలిఫోర్నియా రాష్ట్ర సెనేటర్‌ మేరి అల్వరాడో గిల్‌, యూఎస్‌ ప్రతినిధి డువార్టే, అసెంబ్లీ సభ్యుడు జువాన్‌ అలానిస్‌ లు సెప్టెంబర్‌ 2న హైవే 33 స్టుహ్ర్‌ రోడ్‌ ‍ప్రారంభోత్సవ కార్యక్రమాన్ని ఏర్పాటు చేశారు.

ఆ రహదారికి "కార్పోరల్‌ రోనిల్‌ సింగ్‌ మోమోరియల్‌ హైవే" అని నామకరణం చేశారు. భారీ సైన్‌ బోర్డు ఏర్పాటుచేశారు. దీంతో ఈ విషయం ఆన్ లైన్ వేదికగా వైరల్ అవుతుండగా... మరోసారి రోనిల్ సింగ్ ని తలచుకుంటున్నారు యూఎస్ జనాలు. ఆ బోర్డు ముందు ఫోటోలు దిగి మరోసారి రోనిల్ ని నివాళులు అరిపించారు కుటుంబ సభ్యులు!