స్త్రీలు పురుషుల కంటే ఎందుకు ఎక్కువ నిద్రపోవాలి?

శరీర ధర్మాలు, హార్మోన్ల మార్పులు, మానసిక ఆరోగ్యం వంటి కారణాల వల్ల స్త్రీలకు పురుషుల కంటే కొంచెం ఎక్కువ నిద్ర అవసరం ఉంటుందని వైద్య నిపుణులు చెబుతున్నారు. ఈ తేడాలకు కారణమయ్యే ముఖ్య అంశాలను వివరిస్తున్నారు. స్త్రీల శరీరంలో హార్మోన్ల మార్పులు నిద్రపై గణనీయమైన ప్రభావాన్ని చూపుతాయి. నెలసరి చక్రం, గర్భధారణ, ప్రసవం తర్వాత, మెనోపాజ్ వంటి దశల్లో హార్మోన్ల హెచ్చుతగ్గులు నిద్ర నాణ్యతను ప్రభావితం చేస్తాయి. ముఖ్యంగా, మెనోపాజ్ సమయంలో ప్రభావం చూపుతాయి. అందుకే నిద్ర పట్టడానికి ఎక్కువ సమయం పడుతుంది. లోతైన నిద్ర సమయం తగ్గుతుంది. థైరాయిడ్ వ్యాధి వంటి నిద్రకు ఆటంకం కలిగించే ఇతర ఆరోగ్య సమస్యలు కూడా వచ్చే అవకాశం ఉంది.

ఆందోళన.. డిప్రెషన్

పురుషుల కంటే స్త్రీలు మానసిక ఆరోగ్య సమస్యలైన డిప్రెషన్.. ఆందోళనలకు రెండు రెట్లు ఎక్కువగా గురవుతారు. ఈ సమస్యలు నిద్రలేమికి దారితీస్తాయి.డిప్రెషన్‌తో బాధపడేవారిలో సుమారు 80% మందికి ఇన్సోమ్నియా (నిద్రలేమి) ఉంటుంది.20% మందికి అబ్స్ట్రక్సివ్ స్లీప్ అప్నియా (OSA) ఉంటుంది.15% మందికి హైపర్సోమ్నియా (అధిక నిద్ర) ఉంటుంది. మానసిక ఆరోగ్యం.. నిద్ర ఒకదానికొకటి ప్రభావితం చేసుకుంటాయి. నిద్ర నిపుణురాలు డాక్టర్ మిచెల్ డ్రెరప్ చెప్పినట్లుగా, "మీకు ఇష్టమైన పనులు చేయాలనే ఆసక్తి ఉండి, శక్తి లేకపోతే, మీరు కేవలం అలసిపోయి ఉండవచ్చు. కానీ ఆసక్తి కూడా లేకపోతే, అది డిప్రెషన్ సంకేతం కావచ్చు అని నిపుణులు చెబుతున్నారు.

-నిద్ర సమస్యల ప్రభావం

స్త్రీలు రెస్ట్‌లెస్ లెగ్స్ సిండ్రోమ్ (RLS) వంటి నిద్ర సంబంధిత వ్యాధులకు పురుషుల కంటే రెట్టింపు ఎక్కువగా గురవుతారు. అలాగే, మెనోపాజ్ తర్వాత స్త్రీలలో అబ్స్ట్రక్సివ్ స్లీప్ అప్నియా (OSA) రిస్క్ పురుషులతో సమానంగా పెరుగుతుంది. పురుషులలో ఈ వ్యాధి ఎక్కువగా ఉన్నప్పటికీ, మెనోపాజ్ తర్వాత స్త్రీలలో కూడా ఇది వేగంగా పెరుగుతుంది. స్త్రీలలో OSA లక్షణాలు కొంత తక్కువ తీవ్రతతో ఉండవచ్చు. స్వల్ప గురక లేదా ఉదయాన్నే తలనొప్పి వంటివి వస్తాయి

ప్రతి వ్యక్తికి అవసరమైన నిద్ర సమయం భిన్నంగా ఉంటుంది. మీరు ఉదయం లేవగానే కాకుండా, మధ్యాహ్నం ముందు మీ శక్తి స్థాయిని అంచనా వేసుకోవడం ద్వారా మీకు తగినంత నిద్ర పడిందా లేదా అని తెలుసుకోవచ్చు.

నిద్ర నాణ్యతను మెరుగుపరచుకోవడానికి సూచనలు:

కెఫిన్, ఆల్కహాల్‌కు దూరంగా ఉండండి: ఇవి నిద్రకు ఆటంకం కలిగిస్తాయి. నిద్రకు అనుకూలమైన వాతావరణం సృష్టించుకోండి. మీ పడకగది చల్లగా, చీకటిగా, ఎలక్ట్రానిక్స్ లేకుండా ఉండేలా చూసుకోండి. ప్రతిరోజూ వ్యాయామం చేయండి: ఉదయం పూట కాంతి ఉన్న సమయంలో వ్యాయామం చేయడం మంచిది. నిద్ర దినచర్యను పాటించండి: ప్రతిరోజూ ఒకే సమయానికి పడుకొని, ఒకే సమయానికి లేవడానికి ప్రయత్నించండి. వారాంతాల్లో కూడా ఒక గంటకు మించి ఆలస్యం చేయకండి. మనస్సును ప్రశాంతంగా ఉంచుకోండి: ధ్యానం, జర్నలింగ్ చేయడం లేదా అవసరమైతే మానసిక నిపుణులతో మాట్లాడటం వల్ల ఒత్తిడి తగ్గి నిద్ర మెరుగుపడుతుంది. చిన్నపాటి కునుకు తీయండి: పగటిపూట 10-20 నిమిషాల పాటు చిన్న కునుకు తీయడం వల్ల శక్తి పెరుగుతుంది. ఇది రాత్రి నిద్రకు ఆటంకం కలిగించదు.

మీరు ప్రతిరోజూ అలసటగా అనిపిస్తుంటే, మీ కుటుంబ వైద్యుడిని లేదా నిద్ర నిపుణుడిని సంప్రదించడం మంచిది. మంచి నిద్ర ఆరోగ్యానికి అత్యంత ముఖ్యమైనది. నిద్రను నిర్లక్ష్యం చేయకండి. ఇది మీ శరీరం, మనస్సు మరియు మొత్తం జీవనశైలిని ప్రభావితం చేస్తుంది.