అఖిల్ సినిమాలో ట‌బు..నాగ్ నిర్ణ‌య‌మే అది

కొడుకు సినిమా కోసం త‌న ఫ్రెండ్ టబుని రంగంలోకి దించాడు నాగార్జున‌. ఆమె ఇప్పుడు సినిమాకే ఓ స్పెష‌ల్ ఎట్రాక్ష‌న్‌ గా మారింది. కేవ‌లం నాగ్ నిర్ణ‌యం మేర‌కే ద‌ర్శ‌కుడు ట‌బుని సెలెక్ట్ చేసిన‌ట్టు ప్ర‌చారం సాగుతోంది. నాగ్ త‌న చిన్నబ్బాయి అఖిల్ అక్కినేని క‌థానాయ‌కుడిగా ఓ సినిమాని నిర్మిస్తున్నారు. విక్ర‌మ్ కె.కుమార్ ద‌ర్శ‌కత్వం వ‌హిస్తున్నారు. ఇప్ప‌టికే తొలి షెడ్యూల్ పూర్త‌యింది. త్వ‌ర‌లోనే రెండో షెడ్యూల్ మొద‌లు కాబోతోంది. ఇందులో అఖిల్ స‌ర‌స‌న క‌థానాయిక‌గా మేఘా ఆకాష్ న‌టిస్తోంది. త‌ల్లి పాత్ర‌లో ట‌బు న‌టించ‌బోతున్న‌ట్టు స‌మాచారం.

ట‌బు ఇంకా త‌ల్లిపాత్ర‌ల్లో సంద‌డి చేయ‌డం లేదు. కానీ నాగ్ కోరిక మేర‌కు ఆమె న‌టించేందుకు ఒప్పుకుంద‌ట‌. మ‌రి తెర‌పై ఆమె క‌థానాయ‌కుడి త‌ల్లిగా క‌నిపిస్తుందా లేదంటే క‌థానాయిక త‌ల్లిగానా అనే విష‌యంలో మాత్రం ఇంకా క్లారిటీ లేదు. అయితే అది చాలా కీల‌క‌మైన పాత్ర అట‌. అందుకే ట‌బు కూడా మ‌రో మాట మాట్లాడ‌కుండా ఒప్పేసుకొంద‌ట‌. నాగ్‌ కీ -ట‌బు కీ మ‌ధ్య ఫ్రెండ్‌ షిప్ గురించి ప్ర‌త్యేకంగా చెప్పాల్సిన అవ‌స‌రం లేదు. వాళ్లిద్ద‌రిదీ హిట్ పెయిర్ కూడా. ఆ అనుబంధంతో ఆమె అక్కినేని కుటుంబంతో ఎప్పుడూ ట‌చ్‌లో ఉంటుంది. ఇప్పుడు ట‌బు మ‌రోసారి అక్కినేని సినిమాలో అనేస‌రికి ఆస‌క్తిక‌ర‌మైన విష‌యంగా మారింది. త్వ‌ర‌లోనే ట‌బు పాత్ర గురించి పూర్తి వివ‌రాలు వెల్ల‌డ‌య్యే అవ‌కాశాలున్నాయి.

Like Us on Facebook : https://www.facebook.com/Tupakidotcom/