వెంకీ అట్లూరి కథల మ్యాజిక్ వెనుక అసలు సీక్రెట్ ఇదేనా?

డైరెక్ట‌ర్ టాలెంట్ ను కేవలం సెట్స్‌పై తీసుకునే నిర్ణ‌యాలు మాత్రమే డిసైడ్ చేయ‌వు. కథను ఎంచుకునే విధానం, దాన్ని తీర్చిదిద్దే ప్రాసెస్ కూడా అంతే కీలకం. ప్రస్తుతం విశ్వనాథ్ & సన్స్ సినిమాతో ప్రేక్షకుల ముందుకు రానున్న డైరెక్ట‌ర్ వెంకీ అట్లూరి విషయంలో ఇదే అంశం ఇండస్ట్రీలో ఇంట్రెస్టింగ్ డిస్క‌ష‌న్ కు దారితీస్తోంది. ఒక కథ పూర్తైందని భావించిన తర్వాత కూడా దానిని పలుమార్లు సమీక్షించడం, త‌న న‌మ్మ‌క‌స్తుల‌తో డిస్క‌స్ చేసి లోపాలను గుర్తించడం ఆయన పని విధానంలో భాగమని సినీ వర్గాలు చెబుతున్నాయి.

వెంకీ అట్లూరి గత సినిమాల‌ను పరిశీలించినా, ఆయన సినిమాల్లో ఎమోష‌న్స్ కు ప్రత్యేక స్థానముంటుంది. అయితే ఆ ఎమోషన్ ఆడియ‌న్స్ కు నేచుర‌ల్ గా రీచ్ అవాలంటే స్క్రీన్‌ప్లే మరింత షార్ప్ గా ఉండాలని వెంకీ నమ్ముతారని అత‌ని సన్నిహితులు అంటున్నారు. అందుకే కథను ఒకే దశలో ఫైనల్ చేయకుండా, వివిధ కోణాల్లో పరిశీలించి అవసరమైతే మార్పులు చేర్పులు చేయడానికి కూడా వెనుకాడరని సమాచారం.

ఇలాంటి క్రియేటివ్ ప్రాసెస్ లో ఫ్యామిలీ మెంబ‌ర్స్, సన్నిహితులు లేదా సినిమా గురించి అవగాహన ఉన్న వ్యక్తుల అభిప్రాయాలను వినడం కూడా డైరెక్ట‌ర్ వర్కింగ్ స్టైల్‌లో భాగమేనని టాలీవుడ్ వర్గాల్లో డిస్క‌ష‌న్ సాగుతోంది. ముఖ్యంగా కథలో ఎమోష‌న్స్ ఇంపాక్ట్, క్యారెక్ట‌రైజేష‌న్స్, ఫ్యామిలీ ఆడియ‌న్స్ కు క‌నెక్ట్ అయ్యే అంశాలపై భిన్నాభిప్రాయాలను స్వీకరించి వాటిని విశ్లేషించడం వెంకీ స్పెషాలిటీగా చెబుతున్నారు.

ఈ నేపథ్యంలో హీరో సూర్య ఫ్యామిలీలోనూ కథలపై జరిగే డిస్క‌ష‌న్స్ మరోసారి ప్రాధాన్యం సంతరించుకున్నాయి. నటిగా మాత్రమే కాకుండా మంచి కథల ఎంపికలోనూ జ్యోతికకు ప్రత్యేక అభిరుచి ఉందనే అభిప్రాయం సినీ పరిశ్రమలో చాలా కాలంగా ఉంది. గతంలో సూర్య నటించిన కొన్ని సినిమాల విషయంలో కూడా ఆమె స్క్రిప్ట్ డిస్కషన్స్‌లో పాల్గొన్నారనే ప్రచారం అప్పుడప్పుడు వినిపించింది. అఫీషియ‌ల్ గా అన్ని ప్రాజెక్టుల గురించి వివరాలు బయటకు రాకపోయినా, కథల విషయంలో ఇద్దరూ పరస్పరం అభిప్రాయాలు పంచుకోవడం కొత్త విషయం కాదని కోలీవుడ్ వర్గాలు పేర్కొంటుంటాయి.

అందుకే విశ్వనాథ్ & సన్స్ విషయంలో కూడా కథను మరింత మెరుగుపరచాలనే ఉద్దేశంతో పలువురి సూచనలను పరిశీలించినట్టు ఇండస్ట్రీలో డిస్క‌ష‌న్ జరుగుతోంది. అందులో భాగంగానే ఈ సినిమా క‌థ‌లో జ్యోతిక, డైరెక్ట‌ర్ వెంకీకి కొన్ని మార్పులు సూచించార‌ని, ఆమె వ‌ల్ల క‌థ ఇంకా మెరుగైంద‌ని, సినిమా రిలీజ్ త‌ర్వాత అవేంటో కూడా చెప్తాన‌ని వెంకీ రీసెంట్ గా ఓ ఇంట‌ర్వ్యూలో తెలిపారు. ఒక డైరెక్ట‌ర్ తన ఆలోచనలకే పరిమితం కాకుండా, నిర్మాణాత్మక విమర్శలను స్వీకరించి వాటిని కథకు ఉపయోగపడేలా మలచడం ఈరోజుల్లో అరుదైన వర్కింగ్ స్టైల్‌గా సినీ విశ్లేషకులు భావిస్తున్నారు. చివరికి సినిమా స‌క్సెస్ ను డిసైడ్ చేసేది ఆడియ‌న్సే అయినప్పటికీ, తెర వెనుక జరిగే ఇలాంటి క్రియేటివ్ డిస్క‌ష‌న్స్ ఒక సినిమాకు అదనపు బలాన్ని చేకూర్చే అవకాశం ఉందని ట్రేడ్ వర్గాలు అభిప్రాయపడుతున్నాయి. విశ్వనాథ్ & సన్స్ రిలీజ్‌ తర్వాత వెంకీ అట్లూరి ఈ స్క్రిప్ట్ డెవలప్‌మెంట్ విధానం ఎంతవరకు ఫలించిందో ప్రేక్షకుల రెస్పాన్సే తేల్చనుంది.