గాంఢీవధారి అర్జున.. ఆయుధం సిద్ధం

మెగా ప్రిన్స్ వరుణ్ తేజ్ చాలాకాలంగా హిట్ కోసం ఎదురుచూస్తున్నాడు. చివరగా ఎఫ్3 తో హిట్ కొట్టిన ఆయన వరసగా సినిమాలను లైన్ లో పెట్టాడు. ఇప్పటికే ప్రవీణ్ సత్తారు దర్శకత్వంలో గాండీవధారి అర్జున లో నటిస్తున్నారు. ఈ సినిమా ఆగస్టులో విడుదల కానుంది. ఇటీవల ఈ మూవీ నుంచి ఓ చిన్న టీజర్ విడుదల చేయగా, విపరీతంగా ఆకట్టుకుంది.

కాగా, ఈ మూవీ విడుదల దగ్గరపడుతుండటంతో ఈ మూవీ ట్రైలర్ విడుదల చేయడానికి ప్లాన్ చేస్తున్నారు. ఈ మూవీ ట్రైలర్ ని ఈ నెల 10వ తేదీన విడుదల చేయనున్నారట. సినిమా విడుదలకు తక్కువ టైమ్ ఉండడంతో సినిమాకు హైప్ పెరగాలి అంటే ట్రైలర్ ఆయుధం బలంగా ఉండాలి. ఇక మేకర్స్ ఓ అధికారిక ప్రకటన చేశారు. దీంతో, ట్రైలర్ ఎలా ఉంటుందా అని ఇప్పటికే క్యూరియాసిటీ మొదలవ్వడం విశేషం.

ఈ మూవీలో వరుణ్ సరసన సాక్షి వైద్య నటిస్తున్నారు. ఆమెకు తెలుగులో ఇది రెండో సినిమా. మొదటి సినిమా అఖిల్ ఏజెంట్ లో మెరిసింది. ఆ సినిమా ప్లాప్ కావడంతో, ఈ బ్యూటీ కూడా ఈ సినిమాపైనే ఆశలు పెట్టుకుంది. ఈ సినిమాలో వరుణ్ ఏజెంట్ గా కనిపిస్తున్న విషయం తెలిసిందే. ఇక హీరోయిన్ క్యారెక్టర్ అందరినీ షాకింగ్ కి గురి చేస్తుందట. ఆమె కూడా ఓ స్పెషల్ అధికారిగా కనిపించనుందని సమాచారం. ఒకప్పటి హీరోయిన్ విమలా రామన్ కూడా కీలక పాత్రలో కనిపిస్తుందట.

ఈ చిత్రాన్ని శ్రీ వెంకటేశ్వర సినీ చిత్ర బ్యానర్ పై ప్రముఖ నిర్మాత బి.వి.ఎస్. ప్రసాద్ నిర్మిస్తున్నారు.ఇటీవల ఈ మూవీ నుంచి ఓ చిన్న వీడియో విడుదల చేశారు. దీంట్లో. హీరో ఇంట్రడక్షన్ ఇచ్చారు. వరుణ్ ఈ మూవీలో అర్జున్ వర్మగా కనిపించనున్నాడు. ఓ స్పై అధికారిగా కనిపించనున్నాడని ఈ వీడియో చూస్తుంటే తెలుస్తోంది. మొత్తం కథ ESSAY(elite security service Agecy)చుట్టూ తిరుగుతుంది.

ఈ సినిమాను ప్రపంచవ్యాప్తంగా ఆగస్టు 25వ తేదీన విడుదల చేయనున్నారు. కాగా, యాక్షన్ సినిమాలను తెరకెక్కించడంలో ప్రవీణ్ సత్తారు కంటూ ఒక మార్క్ ఉంది. అందువలన సహజంగానే ఈ సినిమాపై అందరిలోను ఆసక్తి ఉంది. ఈ సినిమాతో వరుణ్ తేజ్ హిట్ కొడతాడేమో చూడాలి. ప్రవీణ్ సత్తారు కూడా ఈ హిట్ చాలా అవసరం.